အိၣ်မူဒ်ခရံာ်ဖိအသိး
ဘီမုၢ်အတၢ်သးဝံၣ် ကဲထီၣ် တၢ်ဂံၢ်တၢ်ဘါ
ဖဲစီၤပီလူးဒီး စီၤစံလၤလီၤဘၣ်လၢ ဃိာ်ပူၤအခါ သးဝံၣ်စံးထီၣ်ပတြၢၤယွၤလီၤ. (မၤတၢ် ၁၆:၂၅) ဒီးဖဲ နးစံၣ် အစိၤ ပဒီပုၢ်ဝဲၢ်လၢ အလီၤဘၣ်လၢ နးစံၣ် ကၠၢမနံၣ် စဲး(စ်)စဲၤဟီစဲၤဃိာ်ပူၤဒီး ဘၣ်တၢ်ဆှၢအီၤဆူ ဆဲးဘံရံယါ အခါ အဝဲသ့ၣ် သးဝံၣ်ဝဲ ဘီမုၢ်အတၢ်သးဝံၣ်လီၤ. တၢ်အဒိအံၤ ပာ်ဖျါထီၣ်ဝဲလၢ တၢ်သးဝံၣ်တၢ်န့ၣ် ကဲထီၣ်တၢ်ဂံၢ်တၢ်ဘါလၢ ခရံာ်ဖိလၢ အဘၣ်ကွၢ်ဆၢၣ်မဲာ်ဒီး တၢ်မၤကွၢ်တဖၣ်အဂီၢ်လီၤ.
တယံာ်ဘၣ်န့ၣ် ပကဒိးန့ၢ်ဘၣ် လံာ်သးဝံၣ်အသီလၢ အခိၣ်တီမ့ၢ်ဝဲ သးဝံၣ်စံးထီၣ်ပတြၢၤ ယဟိဝၤယွၤ လၢသးဒီဖျၢၣ် လၢကျိာ်အါမးလီၤ. ဖဲပဒိးန့ၢ်ဘၣ် လံာ်သးဝံၣ်အံၤအခါ ဒ်သိးပတိၢ်နီၣ်ဃာ် တၢ်သးဝံၣ်အမဲာ်ဖျၢၣ်လၢ ပသးပူၤကသ့အဂီၢ် ပသးဝံၣ်ကၠီးပသးလၢ ဟံၣ်ဖိဃီဖိ တၢ်မၤလိလံာ်စီဆှံအပူၤ သ့ဝဲလီၤ. (အ့း. ၅:၁၉) ဒီးဖဲပဘၣ်တၢ်မၤကွၢ်အခါ သးစီဆှံကမၤစၢၤပှၤ ဒ်သိးပကသ့ၣ်နီၣ်ထီၣ်က့ၤ တၢ်သးဝံၣ်တဖၣ်အံၤလီၤ. ဘီမုၢ်အတၢ်သးဝံၣ်န့ၣ် မၤစၢၤပှၤဒ်သိး ပကသးစၢၢ်ဆၢ ပတၢ်မုၢ်လၢ်လီၤ. ဒီးဖဲပကွၢ်ဆၢၣ်မဲာ်ဘၣ် တၢ်မၤကွၢ်တဖၣ်အခါ တၢ်သးဝံၣ်တဖၣ်အံၤ ကကဲထီၣ် တၢ်ဂံၢ်တၢ်ဘါ လၢပဂီၢ်လီၤ. ဖဲပအိၣ်ဒီး တၢ်သူၣ်ဖှံသးညီအခါ မ့ၢ်လၢ တၢ်လၢကမၤတံာ်တာ်ပသးတအိၣ်အဃိ တၢ်သးဝံၣ်အဖျၢၣ်လၢ အဟ့ၣ်ဂံၢ်ဟ့ၣ်ဘါပှၤတဖၣ်အံၤ ပကဘၣ် သးဝံၣ်အီၤလၢ “တၢ်သူၣ်ခုသးခု” အပူၤလီၤ. (၁ ကွဲး. ၁၅:၁၆; စံး. ၃၃:၁-၃) မ်ပကသူ ဘီမုၢ်အတၢ်သးဝံၣ် ဂ့ၤဂ့ၤတက့ၢ်.
ကွၢ်တၢ်ဂီၤမူလၢအမ့ၢ် တၢ်သးဝံၣ်တယူၢ်လၢ အကဲထီၣ်တၢ်ဂံၢ်တၢ်ဘါ ဝံၤဒီးစံးဆၢ တၢ်သံကွၢ်လၢ လာ်အံၤတက့ၢ်–
-
ဘၣ်မနုၤအဃိ ဒီပုၢ်ဝဲၢ် ဖရီး ကွဲးဝဲတၢ်သးဝံၣ် တယူၢ်လဲၣ်.
-
တၢ်သးဝံၣ်န့ၣ် ကဲထီၣ်တၢ်ဂံၢ်တၢ်ဘါလၢ ဒီပုၢ်ဝဲၢ်လၢ အလီၤဘၣ်လၢ စဲး(စ်)စဲၤဟီစဲၤ ဃိာ်ပူၤတဖၣ်အဂီၢ်ဒ်လဲၣ်.
-
ဘီမုၢ်အတၢ်သးဝံၣ် ကဲထီၣ်တၢ်ဂံၢ်တၢ်ဘါလၢနဂီၢ် သ့လၢဆၢကတီၢ်ဖဲလဲၣ်.
-
နအဲၣ်ဒိးတိၢ်နီၣ်ဘၣ် ဘီမုၢ်တၢ်သးဝံၣ် ဖဲလဲၣ်တယူၢ်လဲၣ်.
