၃:၁-၅

ဘၣ်​မနုၤ​အဃိ ယ့ၣ်ၡူး​တ​ဘၣ်သူၣ်​ဘၣ်သး​ဝဲ ပှၤ​ယူဒၤ​ဖိ​အ​တၢ်ဘူၣ်​တၢ်ဘါ​ခိၣ်နၢ်​တဖၣ်​ အ​တၢ်​ပာ်သူၣ်​ပာ်သး​လဲၣ်. မ့ၢ်​လၢ​အဝဲသ့ၣ်​ မၤ​အါထီၣ်​ တၢ်သိၣ်​တၢ်သီ​ဆံး​ဆံး​ဖိ​တဖၣ်​လၢ မုၢ်​အိၣ်ဘှံး​နံၤ ဒီး​မၢဆူၣ်​ပှၤဂၤ​လၢ ပှၤ​က​မၤ​ပိာ်ထွဲ​ဝဲ​အဃိ​လီၤ. အဒိ အဝဲသ့ၣ်​ ထုးထီၣ်​တၢ်သိၣ်​တၢ်သီ​လၢ မုၢ်​အိၣ်ဘှံး​နံၤ​န့ၣ်​ ပှၤ​မၤသံ​တၢ်ဖိဃၢ် ဒ်သိး​ဒီး​ကျံ မး​တန့ၢ်ဘၣ်. ဒီး​ပှၤဆါ​တဂၤ တၢ်​ဘၣ်ယိၣ်​အလီၢ်​လၢ​အသး​သမူ​အဂီၢ် မ့ၢ်​တအိၣ်​ဘၣ်​န့ၣ်​ ပှၤ​တဘၣ်​မၤဘျါ​န့ၢ်​အီၤ​ဘၣ်. အဲၣ်ဒိး​တဲဝဲ ဖဲ​မုၢ်​အိၣ်ဘှံး​နံၤ​န့ၣ်​ ပှၤ​တဂၤ​အဃံ​မ့ၢ်​ကၢ် မ့တမ့ၢ် မ့ၢ်​ဆါ​န့ၣ်​ ပှၤ​တဘၣ်​ကူစါ​ယါဘျါ​န့ၢ်​အီၤ​ဘၣ်. အဃိ​ပ​သ့ၣ်ညါ​ဘၣ်​လၢ တၢ်ဘူၣ်​တၢ်ဘါ​ခိၣ်နၢ်​တဖၣ်​န့ၣ်​ တ​ဘၣ်ယိၣ်​န့ၢ်​တၢ်​လၢ ပှၤ​ပိာ်ခွါ​လၢ အ​စု​ဃ့ထီ​တဂၤ​အံၤ​အဂီၢ်​ဘၣ်.