အိၣ်မူဒ် ခရံာ်ဖိအသိး
နကကတဲာ်ကတီၤနသးလၢ တၢ်သ့ၣ်နီၣ်ထီၣ်က့ၤအမူးအဂီၢ်ဒ်လဲၣ်
စးထီၣ်လၢတနံၣ်အံၤန့ၣ် ပကဒိးန့ၢ်ဘၣ်အါထီၣ် တၢ်ဆၢကတီၢ်လၢ ပကကတဲာ်ကတီၤပသးလၢ တၢ်သ့ၣ်နီၣ် ထီၣ်က့ၤ ယ့ၣ်ၡူးအတၢ်သံအမူးအဂီၢ်လီၤ. မ့ၢ်လၢတၢ်သ့ၣ်နီၣ်ထီၣ်က့ၤအမူး မ့ၢ်လီၤဘၣ်လၢ နွံဖးဖီန့ၣ် ပတမၤ ခရံာ်ဖိအတၢ်အိၣ်မူ ဒီးတၢ်စံၣ်တဲၤတဲလီၤတၢ်ကၠိ တၢ်အိၣ်ဖှိၣ်တၢ်ရဲၣ်တၢ်ကျဲၤဘၣ်. ဒီးတၢ်သ့ၣ်နီၣ်ထီၣ်က့ၤအမူး မ့ၢ်လီၤဘၣ်လၢ မုၢ်ဃုနံၤဒီးအိၣ်ဘှံးနံၤန့ၣ် တၢ်စံၣ်တဲၤတဲလီၤတၢ်လၢကမျၢၢ်အဂီၢ် ဒီး တၢးထီခိးတၢ် တၢ်မၤလိ စ့ၢ်ကီးတအိၣ်ဘၣ်. ခီဖျိလၢ တၢ်အိၣ်ဖှိၣ်တအိၣ်ဘၣ်အဃိ ပကဒိးန့ၢ်အါထီၣ် တၢ်ဆၢကတီၢ်လီၤ. တၢ်ဆၢကတီၢ်အံၤ နသူအီၤအဂ့ၤကတၢၢ်ကသ့ဒ်လဲၣ်. လၢတၢယၤဖှိၣ်အစိၤန့ၣ် ပှၤရဲၣ်ကျဲၤပာ်တၢ်ဂ့ၤဂ့ၤဘၣ်ဘၣ် လၢမူးလီၤဆီအံၤအဂီၢ်လီၤ. (လူၤ. ၂၂:၇-၁၃; km 3/15 1) ဘၣ်ဆၣ် ပဝဲခဲလၢာ်ပကြၢး ကတဲာ်ကတီၤပသးလီၤ. ပမၤကသ့ဒ်လဲၣ်.
-
တၢ်ထီၣ်မူးပွဲအံၤ မ့ၢ်တၢ်လၢအရ့ဒိၣ်န့ၣ် ဆိကမိၣ်ထီၣ်အီၤတက့ၢ်.—၁ ကရံၣ်. ၁၁:၂၃-၂၆
-
ဃ့ဘါထုကဖၣ် ဒီးဆိကမိၣ်ထံ နတၢ်ရ့လိာ်သးဒီး ယဟိဝၤယွၤအဂ့ၢ်တက့ၢ်.—၁ ကရံၣ်. ၁၁:၂၇-၂၉; ၂ ကရံၣ်. ၁၃:၅
-
ဖးဒီး ဆိကမိၣ်ထံ တၢ်ဂ့ၢ်တၢ်ကျိၤလၢ အဘၣ်ဃးဒီး တၢ်သ့ၣ်နီၣ်ထီၣ်က့ၤအမူး အခီပညီန့ၣ်တက့ၢ်.—ယိၤ. ၃:၁၆; ၁၅:၁၃
ပှၤစံၣ်တဲၤတဲလီၤတၢ်ဖိတနီၤန့ၣ် ဖးဒီးဆိကမိၣ်ထံဝဲ လံာ်စီဆှံအဆၢလၢ အဘၣ်ဃးဒီး တၢ်သ့ၣ်နီၣ်ထီၣ်က့ၤအမူးအဂီၢ် လၢအအိၣ်လၢလံာ်လၢအမ့ၢ် တၢ်သမံသမိး လံာ်စီဆှံအဆၢ ကိးနံၤဒဲး အပူၤန့ၣ်လီၤ. တနီၤန့ၣ် ဖးဝဲ လံာ်စီဆှံအဆၢဖိတဖၣ်လၢ တၢ်ဂီၤလၢ လာ်တဖၣ်အံၤအပူၤလီၤ. မ့မ့ၢ်ပှၤအဂၤတနီၤန့ၣ် ဖးက့ၤဝဲ တၢ်ဂ့ၢ်လၢအဘၣ်ထွဲဒီး တၢ်သ့ၣ်နီၣ်ထီၣ်က့ၤအမူး ဒီးယဟိဝၤယွၤ ဒီးယ့ၣ်ၡူး ပာ်ဖျါထီၣ်တၢ်အဲၣ်အဂ့ၢ် လၢအအိၣ်လၢ တၢးထီခိးတၢ် အပူၤန့ၣ်လီၤ. နမ့ၢ်ဃုထၢ တၢ်ဂ့ၢ်တခါဂ့ၤတခါဂ့ၤ ကမၤစၢၤနၤလၢ နကဘူးထီၣ်ဒီး ယဟိဝၤယွၤ ဒီးအဖိခွါန့ၣ်လီၤ.