အိၣ်မူဒ် ခရံာ်ဖိအသိး
တၢ်အရ့ဒိၣ်ကတၢၢ်လၢ ယဂီၢ်န့ၣ် မ့ၢ်မနုၤလဲၣ်
ဖဲစီၤယၤကိာ် ကနိးဒီးမူခိၣ်ကလူးအခါ တၢ်လၢအရ့ဒိၣ်ကတၢၢ်လၢအဂီၢ်န့ၣ် မ့ၢ်ဝဲကဒိးန့ၢ်ဘၣ် ယဟိဝၤယွၤ အတၢ်ဆိၣ်ဂ့ၤအဂီၢ်လီၤ. (၁ မိၤ. ၃၂:၂၄-၃၁; ဟိၤ. ၁၂:၃, ၄) ပဝဲသ့ၣ်တဖၣ်မီၣ်. မ့ၢ်ပသးအိၣ်လၢ ပကဂုာ်ကျဲးစၢး ဒ်သိးပကဒိကနၣ် ယဟိဝၤယွၤအကလုၢ် ဒီးဒိးန့ၢ်ဘၣ် အတၢ်ဆိၣ်ဂ့ၤအဂီၢ်ဧါ. အဒိ ပမ့ၢ်ဘၣ်ဃုထၢလၢ ပကထီၣ်တၢ်အိၣ်ဖှိၣ် မ့တမ့ၢ် ပကမၤအါထီၣ် တၢ်မၤအနၣ်ရံၣ်န့ၣ် ပကဃုထၢဖဲလဲၣ်တခါလဲၣ်. ဖဲပဟ့ၣ်ယဟိဝၤယွၤလၢ ပတၢ်ဆၢကတီၢ်, ပဂံၢ်ပဘါ ဒီးပတၢ်စုလီၢ်ခီၣ်ခိၣ်လၢ အဂ့ၤကတၢၢ်အခါ အဝဲက ‘လူလီၤန့ၢ်ပှၤ တၢ်ဆိၣ်ဂ့ၤတုၤအလီၢ်တတြီၢ်ဘၣ်’ လီၤ. (မၤ. ၃:၁၀) အဝဲကဟံးစုနဲၣ်ကျဲပှၤ, ဒီသဒၢပှၤ ဒီးကဟ့ၣ်ပှၤတၢ်လၢပလိၣ်ဘၣ်တဖၣ်လီၤ.—မး. ၆:၃၃; ဧ့ၤ. ၁၃:၅.
ကွၢ်တၢ်ဂီၤမူလၢ အခိၣ်တီမ့ၢ်ဝဲ သးစၢၢ်ဆၢလၢနီၢ်သးဖီတၢၣ် ဒီးစံးဆၢတၢ်သံကွၢ်တဖၣ်အံၤတက့ၢ်–
-
ဒီပုၢ်ဝဲၢ်မုၣ်တဂၤ ဘၣ်တၢ်မၤကွၢ်အီၤလၢ တၢ်လၢအဘၣ်သူၣ်ဘၣ်သးဝဲဒ်လဲၣ်.
-
ပတၢ်ဖံးတၢ်မၤတဖၣ်စ့ၢ်ကီး ကဲထီၣ်တၢ်မၤကွၢ်လၢ ပဂီၢ်သ့ဒ်လဲၣ်.
-
စီၤတံၤမသ့းန့ၣ် မ့ၢ်ပှၤလၢအဒိၣ်တုာ်ခိၣ်ပှဲၤလၢ နီၢ်သးတခီသနာ်က့ ဘၣ်မနုၤအဃိ အဝဲကဘၣ်ဆဲးပာ် လီၤ နီၢ်သးဖီတၢၣ်လဲၣ်.—၁ တံၤ. ၄:၁၆
-
“တၢ်မၤနီၣ်ဂံၢ်တၢ” လၢပဂီၢ် မ့ၢ်မနုၤလဲၣ်န့ၣ် ပပာ်ဖျါထီၣ်ကသ့ဒ်လဲၣ်.