Ve, ata fioti ve. Bambangi ya Yehova kele Baklisto yina malongi na bau kekatukaka na Masonukua. Atako mabundu yankaka kelongaka ti Biblia nde samunaka ti Bayuda kevuanda na Palestine, Bambangi ya Yehova kelongaka mutindu yina ve. Bakendimaka ve ti Masonukua samunaka mpenza mambu yango ya politiki. Diambu ya kedika kele ti, Masonukua kekumisaka ve guvernema ata mosi ya bantu to mpe yakemonisa ve ti dikanda mosi meluta dikanda yankaka. Yinzo’a zulu ya Nkengi, zulunalo ya Bambangi ya Yehova, metuba puelele ti: “Biblia metubila sionisme ata kisika mosi ve, dilongi yango mekatuka na mambu ya politiki.”

 Mukanda mosi (Encyclopædia Britannica) mesasila mpova sionisme mutindu yayi “Grupe ya politiki yina kele na lukanu ya kupesa maboko na Bayuda na Palestine.” Yemekatuka na mambu ya mabundu mpe ya politiki. Bambangi ya Yehova kelongaka sionisme ve mpe bakekukikotisaka ve na bankinzi yango ya politiki.

 Nkubukulu ya Bambangi ya Yehova kekukipesaka kaka na mambu ya nsambudulu. Yakekumisaka ata nkubukulu mosi ve ya politiki, ata mpe sionisme. Mikanda mpe baemision metubilaka mingi mutindu Bambangi ya Yehova kekukikotisaka ve na mambu ya politiki, mpe na babuala yankaka Bambangi ya Yehova kutanaka na minioko ya ngolo mpenza samu bamangaka kukikotisa na mambu ya politiki. Beto mekukindimisa ti kaka Kimfumu ya Nzambi nde kenata kiyenge ya mvimbamvimba na ntoto yayi; guvernema to nkubukulu mosi ve ya bantu kekoka kusala yau.

 Bambangi ya Yehova, na bisika nionso yina bakezingaka, bakezitisaka minsiku ya Leta. Baketombokilaka ve bamfumu ya Leta mpe bakekukikotisaka ve na bamvita.