Bantu mingi ketadila dikuluzu lokola kidimbu ya Baklisto na yinza ya mvimba. Atako beto Bambangi ya Yehova beto kele Baklisto, beto kesadilaka ve dikuluzu na nsambudulu na beto. Samu na yinki?

 Mosi ya mfunu kele samu Biblia memonisa ti Yesu kufuaka ve na dikuluzu kasi nde na yinti mosi ya mpamba. Diaka, Biblia mekebisa mpenza Baklisto ti “batina nsambudulu ya biteke,” yazola monisa kumanga kusadila dikuluzu na nsambudulu.—1 Bakorinti 10:14; 1 Yoane 5:21.

 Samu na yau, Yesu tubaka: “Na mutindu yango, bantu nionso kezaba ti beno kele banlonguki na munu: kana beno kele na nzola kati na beno.” (Yoane 13:34, 35) Na yau, Yesu monisaka ti nzola yina mekondua muyimi nde kemonisaka ti bayayi kele banlonguki ya kedika, kasi dikuluzu ve.