Kana Bambangi ya Yehova melonguka na munu Biblia, yakelomba munu kuma kaka Mbangi ya Yehova?
Ve, nge kele na kimpuaza ya kupona. Bamilion ya bantu kesepelaka na programe na beto ya kulonguka Biblia kondua ti bakuma Bambangi ya Yehova. a Mfunu ya ndongokolo yango kele ya kumonisa nge mambu yina Biblia kelongaka. Nge mosi fueti pona mambu yina nge kesala samu na nzayilu yina nge mebaka. Beto kezabaka ti kiminu kele diambu yina metadila muntu yandi mosi.—Yosua 24:15.
Munu lenda sadila Biblia na munu mosi ntangu munu kena kulonguka?
Ee. Atako beto kesepelaka kusadila Biblia—Libongoli ya Mokili ya Sika na ntubulu ya bubu yayi mpe beto kepesa nge Biblia mosi ya ofele kana nge kesepela kubaka, beto kevuanda na kiese kana nge mesadila Biblia na nge mosi. Nge lenda longuka nsangu ya Biblia yina kepesaka kivuvu mpe luvuluzu na konso mbangudulu ya Biblia.
Samu na yinki beto kelongukaka na bantu ya mabundu yankaka?
-
Kima ya ntete kepusaka beto na kusala yau kele nzola samu na Yehova Nzambi, yina kezolaka ti Baklisto longa bantu yankaka mambu yina bamelongukaka. (Matai 22:37, 38; 28:19, 20) Beto kemonaka ti yakele na diambu mosi ve yina meluta diluaku yina beto kele na yau ya “kusala kintuadi na Nzambi” samu na kusadisa bantu balonguka mambu yina Mpova na yandi kelongaka.—1 Bakorinti 3:6-9.
-
Kima yankaka kepusaka beto kele nzola samu na bafinangani na beto. (Matai 22:39) Beto kesepelaka kuzabisa bantu yankaka mambu ya mbote yina beto melongukaka.—Misala 20:35.
a Monisa mfunu ya programe na beto ya ndongokolo ya Biblia, na mvula 2023 beto longukaka Biblia na bantu 7,281,212 konso ngonda, mingi kati na bandongokolo yango salamaka kintuadi na bantu mingi na mbala mosi. Kasi kaka bantu 269,517 nde bakaka mbotama samu na kukuma Bambangi ya Yehova na mvula yango.
Tala diaka...
BIUVU YINA BANTU KEYUVUSAKA MINGI
Yinki kele bindimeli ya Bambangi ya Yehova?
Tala na nkufi bindimeli na beto 15 ya ngudi.
MAMBU YINA METADILA BETO
Yinki mutindu ndongokolo ya Biblia kesalaminaka?
Na yinza ya mvimba, Bambangi ya Yehova mezabana samu na manaka na bau ya kulonguka Biblia na bantu na bayinzo. Tala mutindu yau kesalaminaka.
BIUVU YINA BANTU KEYUVUSAKA MINGI
Yinki mutindu Bambangi ya Yehova kelongukaka Biblia na bantu?
Na nzila ya programe ya ndongokolo ya kusolola ofele na Bambangi ya Yehova, nge lenda sadila konso mbangudulu ya Biblia. Nge kele na yinsua ya kubokidisa dibuta na nge ya mvimba to bankundi na nge bakuiza sangana na nge.
BAMVUTU NA BIUVU YA BIBLIA
Yinki kele basekele samu na kubakusa Biblia?
Nge lenda bakusa nsangu na yau yina kele na valere mingi.
MALONGI YA BIBLIA
Meka ndongokolo na beto ya Biblia
Banda ndongokolo ya Biblia ya ofele na wola mpe kisika yina nge kepona.