Biro ya nene yina ketuadisaka kisalu na beto na yinza ya mvimba kele na États-unis d’Amérique. Atako mutindu yina, dibundu na beto kele ve mua dibundu ya ba Américains samu na bamfunu yayi melanda:

•   Baketubilaka mingi mpova mua dibundu to binzambinzambi samu na kutubila dibundu mosi yina biminaka na dibundu mosi ya nene. Bambangi ya Yehova katukaka ve na dibundu mosi playi. Kasi, beto kemonaka ti beto mevutulaka Buklisto mutindu yavuandaka na siekle ya ntete.

•   Bambangi ya Yehova kesamunaka na babuala kuluta 230. Na konso kisika yina beto kevuandaka, beto kevuandaka ya kukuikama ntetentete na Yehova Nzambi mpe na Yesu Klisto, kasi ve na guvernema ya États-unis to na luyalu yankaka ya baguvernema ya bantu.—Yoane 15:19; 17:15, 16.

•   Malongi na beto nionso kekatukaka na Biblia, kasi yakekatukaka ve na mikanda ya dibundu mosi ya mfunu ya États-unis.​—1 Batesaloniki 2:13.

•   Beto kele banlonguki ya Yesu Klisto, kasi ve banlonguki ya mfumu mosi playi.​—Matai 23:8-10.