9 MARS 2022
ÉQUATEUR
Kubimisama ya Biblia Mbangudulu ya Yinza ya Yimpa ya Masonukua ya Greki ya Buklisto na ndinga ya Quichua ya Chimborazo mpe na ndinga ya Quichua ya Imbabura
Na kilumbu ya Samedi, 5 Mars 2022, mpangi Alan Costa, yina kele mpangi ya komite ya filiale ya Équateur, tubilaka kubimisama ya Biblia Mbangudulu ya Yinza ya Yimpa ya Masonukua ya Greki ya Buklisto na ndinga ya Quichua ya Chimborazo mpe na ndinga ya Quichua ya Imbabura. Bandinga yango zole kele bandinga ya nene yina ketubamaka na Équateur. Kubimisama yango ya Babiblia na mutindu ya kutanga na apareyi mpe na papie na nzila ya programe ya lukutakanu yina bansamuni landaka na mbala mosi na nzila ya video.
Biro ya kubangula na ndinga ya Imbabura na bamongo ya Andes. Yakevuandaka na Otavalo, na bakilometre 90 na nord ya Quito, yina kele kapitale ya Équateur
Bantu mingi yina ketubaka ndinga ya Quichua kezingaka na bamongo ya Andes, yina kele kati na bametre 2 700 mpe 3 700 ya altitude. Bantu yina kezingaka na babuala yango kevuandaka na bumosi mpe bamezabana na kikadulu na bau ya kukaba, bantu yina kesalaka ngolo bisalu, mpe bantu yina keyambaka banzenza. Mingi kati na bau kendiminaka Mvangi mpe kevuandaka na luzitu mingi samu na Biblia.
Na 1990, Bambangi ya Yehova bangulaka mikanda na ndinga yina bavuandaka bokidila Quichua unifié, yina sangisaka bandinga zole yina vuandaka tubama na Équateur. Kasi, kaka bantu fioti vuandaka na nsatu ya kulonguka nsangu ya Kimfumu na ndinga yango ya Quichua. Yamemonana puelele ti bampangi vuandaka na nsatu ya mikanda yina mebangulua na kutadila ndinga na bau yina baketubaka mpenza samu babakusa nsangu ya Kimfumu.
Biro ya kubangula na ndinga ya Chimborazo, yakele na Riobamba na bakilometre 208 na sud ya Quito
Baekipe ya mbangudulu ya bandinga ya Quichua bakaka lusadusu yina katukaka na bansamuni yina kezingaka na babuala mingi yina mesuasana na yinsi yango yina vuandaka tadila mbotembote bambangudulu yina bavuandaka sala. Mosi ya bambangudi ya ekipe yango ya ndinga ya Quichua ya Chimborazo tubaka: “Na lusadusu ya bansamuni yango, beto bangulaka mbotembote na mutindu yina kesala ti muntu nionso vuanda na dikoki ya kubakusa.” Na yau, yavuandaka pete ve kubangula Biblia na bandinga yango yina mesuasana. Mosi ya mbangudi ya ekipe ya ndinga ya Quichua ya Imbabura tubaka: “Yehova tatamanaka kutuadisa beto, mpe munu bakusaka puelele ti yandi kele na nsatu ti konso muntu zaba mpe yandi bakusa Mpova na yandi.”
Babiblia yango nionso zole kevuanda lusakumunu samu na bampangi ya babakala mpe ya banketo yina ketubaka bandinga ya Quichua, bampangi na beto yina kesadilaka Nzambi na beto, Yehova, ‘Mvuluzi ya bantu ya mitindu nionso.’—1 Timoteo 4:10.
Tala diaka...
BIUVU YINA BANTU KEYUVUSAKA MINGI
Bambangi ya Yehova kevuandaka na Biblia ya bau mosi?
Kusadila bambangudulu mingi ya Biblia lenda sadisa nge nge sepela na ndongokolo na nge ya Biblia. Mambu 3 yina mesala ti Biblia—Libongoli ya Mokili ya Sika vuanda mbangudulu yina mebonga nge sadila na bandongokolo na nge.
MUTINDU MAKABU YINA NGE KEPESAKA KESADULUAKA
Kubimisa mukanda yina meluta mikanda nionso
Kubangula, kubimisa, mpe kukangikisa Biblia—Mbangudulu ya Yinza ya Yimpa mesangisa mambu mingi yina kutu nge lenda kanisa ve.
BIUVU YINA BANTU KEYUVUSAKA MINGI
Bambangi ya Yehova kendiminaka Testama ya ntama?
Bitini yankaka ya Biblia memanisaka ngala? Sosa kuzaba mambote yina Baklisto lenda baka na masolo mpe malongi ya mfunu yina kele na Masonukua ya Ebreo.