Lukutakanu ya nene yina salamaka na Cedar Point na 1922, Ohio, na buala ya États-Unis, kele ya kuzabana mpenza na Bambangi ya Yehova ya yinza ya mvimba lokolo nkinzi mosi ya mfunu samu na lukutakanu yango, mpangi Joseph F. Rutherford kindisaka bantu nionso na kisalu ya kusamuna Kimfumu.

Kasi lukutakanu yango ya nene zabanaka samu na mfunu yankaka: bafilmeke yau. Tii bubu yayi, ata kopi mosi ve ya filme yango memonanaka.

Foto ya lukutakanu yango ya nene yina sangisaka babuala mingi na Septembre 1922 kena kumonisa kisika mosi na zulu yina batulaka kamera samu na kufilme kitini yango ya mfunu ya lukutakanu. Na ntangu yango, kufilme vuandaka diambu mosi ya yimpa.

Yamemonana ti bantu mingi talaka filme yango ya lukutakanu. Na kifuani, zulunalo mosi salaka piblisite ya filme yango. Mpe zulunalo yango lombaka bantu “batala lukutakanu na bayinzo na bau. Beno tala bankundi na beno, beno tala diskur ya mbotama.” Yapesaka diaka malongi samu na kisalu ya kusamuna: “Beno bokidisa bafinangani na beno mpe beno teya bau na nzila ya filme ya lukutakanu. Beno sala bakomande kondua kuvingila.”

Kana nge mezaba kitini mosi ya filme yango, beto melomba nge nge solola na Departema ya musée na adresi yayi MuseumDonations@jw.org to sonikina biro ya nene ya Bambangi ya Yehova na adresi ya 1 Kings Drive, Tuxedo Park, NY 10987. Beto kele na kivuvu ya kumona kitini ya filme yango ya mfunu ya disolo ya Bambangi ya Yehova.