Na kilumbu ya 13 avril 2022, bamvula ya ngolo nokaka na bitini ya kizunga ya Kwazulu-Natal na buala ya Afrique du Sud, yakufuaka bankama ya bantu mpe yabimisaka bisumbula yankaka ya ngolo. Na bisika yankaka, bamaza ya mvula kumaka na kitezo ya bamilimetre 300 kaka na kilumbu mosi. Bisika mingi mekondua kuran mpe maza. Banzila mingi bebisamaka.

• Ata mpangi na beto mosi ve kufuaka

• Muana ya mpangi na beto mosi ya nketo lualaka fioti ntangu kibaka builaka yandi

• Mpangi na beto mosi ya bakala lualaka fioti ntangu yinzo na yandi kubuaka

• Bayinzo 27 kubuaka

• Bayinzo 102 bebisamaka

• Bansamuni 87 bikaka bayinzo na bau

• Bayinzo ya Kimfumu 2 bebisamaka fioti

• Komite samu na kopesa lusadusu mosi salamaka samu na kutuadisa bisalu ya kupesa lusadusu

• Bankulutu ya bimvuka mpe bankengi ya kizungidila kena kupesa lusadusu ya mfunu na bansamuni

• Bampangi nionso yina kena kusala kisalu yango kena kuzitisa malako ya COVID-19 samu na kukitanina

Beto kele na kivuvu ti Yehova ketatamana kuvuanda kintuadi na bampangi na beto yina mekutana na kivonza yango lokola beto kena kuvingila balusakumunu yina kezingila mvula na mvula yina yandi lakaka.—2 Bakorinto 4:18.