Na kilumbu ya 16 Février 2022, tribinale ya Kertch, na République de Crimée, fundaka mpangi Artem Shabliy mpe bapesaka yandi kitumbu ya bamvula zole na buloko. Yakena lomba ve yandi kuenda na buloko na ntangu yayi.

1. Kilumbu ya 26 Mai 2020

   Basoda kotaka na kingolo na yinzo ya mpangi Artem mpe na bayinzo ya mabuta yiya (4) ya Bambangi ya Yehova na Crimée. Na ntangu yango, basoda panzaka fenetre mpe bavitre muanganaka mpe kitini mosi ya vitre luadisaka muana ya bakala ya mpangi Artem ya bamvula yiya (4). Na manima ya kusosasosa bawola tatu, bakangaka Artem mpe batulaka yandi na kasho samu na bilumbu tatu

2. Kilumbu ya 9 Juin 2020

   Artem lombaka na tribinale ya mbanza ya Kerch monisa yandi mambu yina bamefundila yandi. Atako nsiku metuba ti bafueti monisa yandi, kasi tribinale mangaka kusala yau

3. Kilumbu ya 24 Mai 2021

   Nsambusulu bandaka. Bampangi mingi ya banketo mpe ya babakala kuizaka na tribinale samu na kupesa yandi maboko, kasi bavuandaka ve na yinsua ya kukota kisika bavuandaka sambisa yandi

Mutindu kaka mpangi Artem monaka yau, na kukuikama nionso, Yehova kena kusadisa bisadi na yandi ya kukuikama. Beto mendimisama ti Yehova ketatamana kuvuanda dibanga, kisika ya ngolo ya lutanunu, mpe kitininu samu na bampangi na beto nionso ya nzola ya babakala mpe ya banketo yina kele na Crimée mpe na Russie.—Nkunga 18:2.