Na Janvier 2021, Kimvuka ya Ntuadisi samunaka kubimisama ya mukanda mpe mua mukanda Zinga mvula na mvula na kiese! Mikanda yango mpe mayele ya kulonga yina bamesadila na mikanda yango kena kusadisa beto samu beto tuadisa mbote bandongokolo ya Biblia.

Bamebuela mambu yankaka na aplikasion JW Library samu nlongisi mpe muntu yina kena kulonguka basadila mbote mukanda mpe mua mukanda yango. Baka ntangu ya kulonguka mambu yango ya yimpa.

• Nge kele na nsatu ya kumonisa nlonguki na nge na dilongi mosi yina metadila yandi mpenza? Niema paragrafe samu na kumona mambu yankaka ya menu. Pona opsion Partager samu na kutinda lien yina metadila paragrafe yango.

• Nge kele na nsatu ya kuwa arejistrema ya odio ya ntangulu ya paragrafe kintuadi na nlonguki na nge? Niema paragrafe samu na kumona mambu yankaka ya menu. Pona opsion Lire samu na kuwa odio ya paragrafe yango.

• Kana nlonguki na nge kena kusadila mukanda ya papie, kasi nge nge kena kusadila mukanda yina kele na apareyi. Nge kesepela kumona mutindu ya papie yango kele? Na menu En savoir plus  (yina memonusua na bambuma tatu na zulu na diboko ya kibakala na mupanzi), Niema Mode Image. Samu na kuvutuka na mukanda yina kele na mutindu ya apareyi, niema Mode Texte.

• Nge kele na nsatu ya kusadisa nlonguki na nge na kulandila kukula na yandi na nzila ya mukanda yina kele na apareyi? Kindisa yandi na kusadila baankadre yina mebongisama samu na kutula dati yina yandi memanisa dilongi mosi mpe ankadre yina mebongisama samu na kusonika lukanu na yandi. Yandi tula diaka kidimbu na bisika yina bamesonika “Landa ntangulu na nge ya Biblia.”