Bamvula ya ngolo mpe kubua ya ntoto salamaka na nord-est ya Brésil kubanda na kilumbu ya 25 mai 2022. Kizunga ya Alagoas mpe ya Pernambouc kele bizunga yina bebisamaka ngolo, yina vuandaka lomba kupesa lusadusu na nsualu na na yau 42. Bantu kuluta 145 000 tinaka bayinzo na bau, mpe bantu kana 129 kufuaka.

• Mpangi na beto mosi ve kufuaka

• Bansamuni 3 lualaka fioti

• Bayinzo 280 bebisamaka fioti

• Bayinzo 22 bebisamaka ngolo

• Bayinzo ya Kimfumu 23 bebisamaka fioti

• Yinzo ya bakulutakanu 1 bebisamaka ngolo

• Komite samu na kupesa lusadusu mosi kena kukabudila bansamuni kuluta 600 bima ya mfunu mpe bakena kupesa bau balusadusu ya kimpeve

• Balusadusu yango nionso kena kupesama na kuzitisaka malako ya COVID-19 samu na kukitanina

Beto kena kusambila samu bampangi na beto ‘batatamana kubaka ngolo na Mfumu’ lokola bakena kukutana na bisumbula yina kebimaka yau mosi.—Baefezo 6:10.