Mpangi Jean-Yves na nketo na yandi, Vasthie Mudaheranwa, yina kezingaka na Montreal na Canada, bakele bantu ya ntete samu na kuyamba bantu ya kimbevo ya coronavirus. Mpangi Mudaheranwa yina kele inhalothérapeute; munganga yina kesadisaka maladi ya mpema ya ntima, mpe mpangi ya nketo Mudaheranwa kele infirmiere na lopitalo yina kena kusadisa bantu yina keke na COVID-19. Na ntangu yayi ya mpasi mpe ya mitungisi, mpangi Mudaheranwa na nketo na yandi kena kubaka ngolo na Yehova mpe bakena kumona ‘mbote na ntima’ yina Yehova pesaka nsilulu ti yandi kepesa beto.—Yezaya 65:14.

Mpangi Mudaheranwa metuba: “Bankundi na munu mingi ya kisalu kena kutungisama, munu memonaka bau ntete mutindu yina ve.” Mpangi ya nketo Mudaheranwa metuba: “Ndongokolo ya beto mosi kesadisaka beto mingi. Beto kena kukanisaka na kidimbu ya bilumbu ya nsuka, mpe beto kena kukibambulaka ti Yehova kele kintuadi na beto mpe yandi kebika beto ve beto kubua. Kisambu diaka kena kusadisa beto mingi. Tekila munu bima na yinzo mpe munu banda kilumbu na kisalu, munu kesambilaka, mpe munu kekukimonaka kiyenge ya ntima.”

Mpangi Mudaheranwa metuba: “Mukele muntu ya Rwanda, mpe muvukaka na mvita (genocide) ya mankanda yina salamaka kuna. Na Canada, mambu ya mutindu yina kevuandaka ve, yau lenda sala ti beto zimbakana ti beto kele na bilumbu ya nsuka. Munu fueti tuba ti ata munu diaka, na bantangu yankaka munu vuandaka kanisa ti kilumbu ya Yehova kele ntete ntama. Maladi yayi ya yimbi mendimisa munu diaka ti beto kele na bilumbu ya nsuka mpe yamebuela kiminu na munu na Biblia mpe na bambikudulu na yau.”

Bambangi ya Yehova ya yinza ya mvimba mendimisama mpe kaka mutindu yina, mpe bakele na kiyenge na ntangu yayi ya mpasi.—Yezaya 48:18.