Na Kilumbu ya lumingu 24 avril 2022, mpangi Mark Sanderson, yina kele mpangi ya Kimvuka ya Ntuadisi, tubilaka kubimisama ya Biblia Mbangudulu ya Yinza ya Yimpa yina mebongisama diaka na ndinga ya Twi (Asante). Kaka na manima ya diskur, dikoki vuandaka ya kutelesharje Biblia yango na mutindu ya kusadila na apareyi. Bantu kevuanda na dikoki ya kubaka Biblia yango na mutindu ya papie na ngonda ya août.

Ndinga ya Twi (Asante) mpe ndinga ya Twi (Akuapem) kele na kati ya grupe ya bandinga ya Akan, yina ketubukaka na bamilion ya bantu na Afrique de l’ouest. Mbangudulu ya Biblia na ndinga ya Twi vuandaka deja na 1871, kasi yavuandaka kaka na ndinga ya Twi (Akuapem). Na 1897, mbangudulu yankaka ya Biblia bimisamaka na ndinga ya Twi (Akuapem). Yavuandaka kaka ve na 1964 nde Biblia ya ntete na ndinga ya Twi (Asante) bimisamaka. Na 2012, Bambangi ya Yehova bimisaka Biblia Mbangudulu ya Yinza ya Yimpa na Twi (Asante).

Na kukanisaka na proje yango, mbangudi mosi tubaka: “Na ebandeli, kisalu vuandaka monana lokola kaka beto kekoka yau ve. Kasi, beto sambilaka mingi mpe beto tudilaka mpeve ya nlongo ya Yehova ntima. Na yau beto monaka lusadusu ya Yehova na kisalu na beto.”

Kubongisama diaka ya Biblia Mbangudulu ya Yinza ya Yimpa na Twi (Asante) kele kado yankaka samu na kusadisa bampangi na beto ya babakala mpe ya banketo yina ketubaka ndinga ya Twi samu na kusadila mbote Nzambi na beto yina kekabaka, Yehova.—Yakobo 1:17.