Na kilumbu ya 29 Mai 2022, mpangi Daniel Purnomo, yina kele mpangi ya komite ya filiale ya Indonésie, samunaka kubisama ya mukanda ya Matayo mpe ya Marko na ndinga ya mababa ya Indonésie. Kubimisama ya mikanda yango ya Biblia ya kutanga na nzila ya baapareyi salamaka na programe mosi yina bantu 2127 landaka.

Na kilumbu ya 14 Septembre 2007, Bambangi ya Yehova bimisaka samu na mbala ya ntete kimvuka na ndinga ya mababa ya Indonésie, na mbanza ya Jambi yina kevuandaka na Île ya Sumatra. Na manima, Bambangi ya Yehova bangulaka mikanda tatu na ndinga ya mababa ya Indonésie: Okosepela koyeba solo?, Kuwa Nzambi nge kebaka luzingu ya mvula na mvula mpe Okoki kozala moninga ya Nzambe! Na 2011, kizungidila ya ntete ya ndinga ya mababa salamaka na buala yango yina nene na yau kele bakilometre 3000. Na 2015, biro ya mbangudulu salamaka samu na kubangula mikanda mingi na ndinga ya mababa ya Indonésie. Bubu yayi, Indonésie kele na bimvuka 12 ya ndinga ya mababa, mpe na bagrupe ya nene mpe ya fioti 28.

Mikanda ya Matayo mpe ya Marko kele mikanda ya Biblia ya ntete yina bamebangula na ndinga ya mababa ya Indonésie. Na ntangu ya diskur yango, mpangi Purnomo tubaka: “Mutindu bamebangula mikanda yango ya Biblia na basinye kele mbote mpenza, yakena kubenda mpenza dikebi mpe yakena kusimba ntima, mpe yakesadisa beno beno mona mbotembote na makanisi na beno bantu yina Biblia kena kutubila.”

Mbangudi mosi tubaka: “Mbangudulu yayi kesadisa munu munu zaba mambu mingi yina metadila Yesu, lokola kaka yandi mosi vuandaka tubila munu mambu na yandi.”

Beto kena kusambila samu mbangudulu yango sadisa bampangi yina kesadilaka ndinga ya mababa ya Indonésie batatamana kutadila Mpova ya Nzambi lokola ‘muinda samu na makulu na bau, mpe ntemo samu na nzila na bau.’—Nkunga 119:105.