Na Janvier 2022, bamvula ya ngolo fulusaka bayinzo na maza, yabulumunaka ntoto, mpe yabuisaka bayinzo na Antananarivo, kapitale ya Madagascar. Yamemonana ti bamvula yango ketatamana kunoka.

• Ata mpangi mosi ve ya bakala mpe ya nketo lualaka to kufuaka

• Bansamuni kuluta 693 bikaka bayinzo na bau

• Ata Yinzo ya Kimfumu mosi ve bebaka

• Komite ya filiale ponaka komite samu na kupesa lusadusu samu na kutuadisa kisalu ya kusadisa bantu mpe kusala na kulanda bansiku ya kukitanina na maladi ya COVID-19

• Komite samu na kupesa lusadusu, bankengi ya kizungidila, mpe bankulutu kena kusadisa bampangi na beto ya babakala mpe ya banketo samu babikana ya kukangama na Yehova mpe samu babaka bima ya kinsuni yina bakele na yau nsatu. Na kifuani, bakena kusadisa bau na kubaka kisika ya kuvuanda, madia, to bima yankaka ya mfunu

Beto mendimisama ti Yehova ketatamana kuvuanda ‘kisika ya ngolo’ samu na bampangi na beto na ntangu yayi ya mpasi.—Nkunga 31:2.