27 JUIN 2022
POLOGNE
Biblia Mbangudulu ya Yinza ya Yimpa ya Masonukua ya Greki ya Buklisto mebimisama na ndinga ya mababa ya Pologne
Na kilumbu ya 19 juin 2022, mpangi Przemysław Bobów, ya komite ya filiale ya Pologne, tubilaka kubimisama ya Biblia Mbangudulu ya Yinza ya Yimpa ya Masonukua ya Greki ya Buklisto na ndinga ya mababa ya Pologne. Bantu kana 1 000 landaka programe yango ya spesiale yina vuandaka deja anrejistre.
Mbangudulu yango ya yimpa, yina kele Masonukua ya ntete ya Greki ya Buklisto na ndinga ya mababa ya Pologne kele na jw.org mpe na aplikasion JW Library na ndinga ya mababa.
Mpangi Bobów tubaka: “Beto kele mpenza na kiese ti na nzila ya Biblia yango, mababa kevuanda na dikoki ya kulanda masolo ya Biblia yina kesadisa bau balanda mbotembote Yesu mpe bapusana penepene ya Tata na beto ya nzola, Yehova.”
Bambangi ya Yehova bandaka kubimisa mikanda na ndinga ya mababa ya Pologne banda 2004, mukanda ya ntete vuandaka Nzambe azali kosɛnga nini epai na biso? Bimvuka zole ya ntete na ndinga mababa ya Pologne salamaka na 2006. Bubu yayi yakele na bimvuka 13, bagrupe mpe bagrupe ya fiotifioti 22 yina kele na ndinga ya mababa.
Bampangi ya ekipe ya mbangudulu na ndinga ya mababa ya Pologne kena kusala
Na nguizani ya luzolo ya Yehova, beto mendimisama ti kubimisama ya Biblia Mbangudulu ya Yinza ya Yimpa ya Masonukua ya Greki ya Buklisto na ndinga ya mababa ya Pologne kesala ti ‘bantu ya mutindu nionso bavuka mpe babaka nzayilu ya sikisiki ya kedika.’—1 Timoteo 2:4.
Tala diaka...
BIUVU YINA BANTU KEYUVUSAKA MINGI
Bambangi ya Yehova kevuandaka na Biblia ya bau mosi?
Kusadila bambangudulu mingi ya Biblia lenda sadisa nge nge sepela na ndongokolo na nge ya Biblia. Mambu 3 yina mesala ti Biblia—Libongoli ya Mokili ya Sika vuanda mbangudulu yina mebonga nge sadila na bandongokolo na nge.
MUTINDU MAKABU YINA NGE KEPESAKA KESADULUAKA
Kubimisa mukanda yina meluta mikanda nionso
Kubangula, kubimisa, mpe kukangikisa Biblia—Mbangudulu ya Yinza ya Yimpa mesangisa mambu mingi yina kutu nge lenda kanisa ve.
BIUVU YINA BANTU KEYUVUSAKA MINGI
Bambangi ya Yehova kendiminaka Testama ya ntama?
Bitini yankaka ya Biblia memanisaka ngala? Sosa kuzaba mambote yina Baklisto lenda baka na masolo mpe malongi ya mfunu yina kele na Masonukua ya Ebreo.