Tribinale ya mbanza ya Votkinskiy, na République ya Udmurtian, ketuba ntama mingi ve nzengolo na yau na diambu metadila mpangi Sergey Gobozev mpe mpangi Mikhail Potapov. Prokirere tuba ntete ve kitumbu yina bakebaka.

1. Kilumbu ya 20 janvier 2021

   Bamfumu ya Leta mebanda kusambisa mpangi Sergey mpe mpangi Mikhail, bafundaka bau ti bakepesaka maboko na kimvuka mosi ya baekstremiste

2. Kilumbu ya 21 janvier 2021

   Basosasosaka na yinzo ya mpangi Sergey. Bapolisi kangaka bima na yandi, lokola permis de conduire, mikanda ya ntomabilu, baapareyi yina kesalaka na kuran, album ya bafoto mpe bambangudulu ya kusuasana ya Biblia. Bapolisi kangaka diaka mpangi Mikhail mpe basosasosaka na yinzo na yandi

3. Kilumbu ya 22 janvier 2021

   Batulaka mpangi Sergey na kasho. Batindaka mpangi Mikhail na buloko samu na mua ntangu

4. Kilumbu ya 18 mai 2021

   Babimisaka mpangi Sergey na kasho, kasi bapekisaka yandi kubima na nganda ya buala

5. Kilumbu ya 19 mai 2021

   Babimisaka mpangi Mikhail na buloko mpe bapekisaka yandi kubima na nganda ya buala

6. Kilumbu ya 7 octobre 2021

   Nsambusulu mebanda

Beto mendimisama ti Yehova ketatamana kusadisa mpangi Sergey mpe mpangi Mikhail, na bangolo yina bakena kusala samu na kukumisa kiminu na bau ngolo na nzila ya ndongokolo ya Biblia mpe kisambu.—Bakolosai 2:6, 7.