Kilumbu ya 2 Septembre 2020, *

Tribinale ya Mbanza ya Berezovsky na kizunga ya Kemerovo

Bamvula 6 na ndambu na buloko

Sergey Britvin

• Butukaka: Na 1965 (Na kizunga ya Kemerovo)

• Disolo ya luzingu: yandi salaka bamvula mingi lokola shofere ya ba grues mpe ya bakamio ya nene. Balombaka yandi bika kisalu samu mavimpi na yandi vuandaka mbote ve. Yandi vuandaka zola bansaka ya sport

• Na 1992, bakuelanaka na Natalya. Yandi bandaka kulonguka Biblia na 1995 na manima ya kulonguka nsilulu ya Nzambi samu na mfutumukunu. Bamvula mingi na manima, Natalya bakaka nzengolo ya kulonguka Biblia. Yandi kamuaka na kiminu ya Sergey mpe mutindu kimunu yango sadisaka yandi samu yandi sala bansobolo ya mbote

Vadim Levchuk

• Butukaka: Na 1972 (Na kizunga ya Kemerovo)

• Disolo ya luzingu: Yandi yundukaka na dibuta yina vuandaka sambila ata na dibundu mosi ve. Yandi salaka bamvula 14 na kompani ya mine

• Na 1992, yandi bandaka kulonguka Biblia. Bakuelanaka na Tatiana na 1997. Babutaka bana zole ya babakala. Dibuta ya mvimba kezitisaka Biblia. Bakezolaka diaka bansaka ya sport mpe bandutusulu ya ntangu yankaka

Na kilumbu ya 22 Juillet 2018, bapolisi kotaka na bayinzo 8 ya bampangi na beto na mbanza ya Berezovsky. Yau salaka ti, Bampangi Britvin mpe Levchuk kanguka mpe basambisaka bau. Na manima na yau, tribinale ya nene ya kizunga ya Kemerovo bakaka nzengolo ya kukanga bampangi na beto samu na mua ntangu. Basalaka na buloko mvula mosi na ndambu. Na kilumbu ya 25 Decembre 2019, batindaka bampangi na beto na kisika yina bapolisi vuandaka sunga bau, kuna nde bakele.

Bampangi Britvin mpe Levchuk kele bampangi zole na kati ya bampangi tanu ya kizunga ya Kemerovo yina fundamaka ti bakele bantu kesalaka mambu ya kinkesi samu kaka bakele Bambangi ya Yehova. Mabanza mpe bisambu na beto kesadisa bampangi na beto yina kele na buloko na Russie. Mutindu Baebreo 13:3 memonisa beto yau: ‘Beno kanisaka bantu yina kele na buloko, lokola nde beno kele na buloko na bau, mpe bantu yina kemonaka mpasi, samu beno mosi diaka beno kele na nzutu.’