Tribinale ya distrike ya Babouchkinski na Moscou ketuba ntama mingi ve nzengolo na yau samu na diambu metadila mpangi Ivan Chaykovskiy, Yuriy Chernyshev, Vitaliy Komarov, Sergey Shatalov, mpe mpangi Vardan Zakaryan. Prokirere tuba ntete ve kitumbu yina bampangi kebaka.

1. Kilumbu ya 24 novembre 2020

   Bamfumu ya Leta ya buala ya Russie kotaka samu na kusosasosa na bayinzo kana 20 ya Bambangi ya Yehova na Moscou. Bapolisi nataka mpangi Ivan, Yuriy, Vitaliy, mpe Sergey na buloko yina baketulaka bantu samu na mua ntangu mpe batulaka bau na kisika bakele kaka bau mosi. Bafilmeke mutindu bakotaka na yinzo ya Yuriy mpe mutindu bayuvusaka yandi mpe dibuta na yandi biuvu. Na manima bamonisaka bitini ya bavideo yango na bashene ya televizion yina kemuangisaka bansangu na buala yango

2. Kilumbu ya 26 novembre 2020

   Babimisaka mpangi Sergey na buloko yina baketulaka bantu samu na mua ntangu mpe batulaka yandi na kasho. Mpangi Vardan yina kotaka na opitale samu na mputa yina yandi lualaka ntangu bavuandaka sosasosa na yinzo na yandi, batulaka yandi na buloko yina baketulaka bantu samu na mua ntangu mpe kuna batulaka yandi na kisika na yandi mosi

3. Kilumbu ya 27 novembre 2020

   Tribinale bimisaka mpangi Ivan, Yuriy, mpe Vitaliy na buloko yina baketulaka bantu samu na mua ntangu mpe batulaka bau na kasho

4. Kilumbu ya 30 novembre 2020

   Bamfumu ya Leta bimisaka Vardan na mua buloko mpe batulaka yandi na kasho, na manima Vardan fundaka Bapolisi na prokirere mutindu basadilaka nsiku na mutindu ya yimbi ntangu bakuizaka kanga yandi

5. Kilumbu ya 16 février 2022

   Tribinale bandaka kusambisa bau

Beto mekindusua na kumona ti Yehova kele penepene ya bampangi na beto mpe na mabuta na bau, yakena kusala ti batatamana kupusana penepene na yandi.—Yakobo 4:8.