13 JANVIER 2022
RUSSIE

Kutudila Yehova ntima mesadisa mpangi Yevstigneev samu yandi bikana ya kukuikama

KUWA NA

Na kilumbu ya 12 Mai 2022, the Tribinale ya kizunga ya Leninskiy ya mbanza Nijni Novgorod kebaka nzengolo na bilumbu kena kuiza samu na diambu ya mpangi Kirill Yevstigneev. Zuzi tuba ntete ve yinki kitumbu mpangi Yevstigneev kebaka

Badati ya mambu kuminaka yandi

Kilumbu ya 8 Octobre 2021

Kubanda ya nsambusulu. Kirill sasilaka na ntuala ya zuzi ti lukutakanu yango vuandaka kaka samu na kulutisa ntangu na bankundi kasi ve samu na mambu ya nsambudulu
Kilumbu ya 24 Août 2021

Bapekisaka Kirill kutambula na bisika yankaka
Kilumbu ya 2 Septembre 2020

Bamesambisa Kirill na kutubaka ti “yandi pesaka mbongo samu na kupesa maboko na mambu metadila kutombokila bamfumu” samu yandi kukipesaka na kusosa kisika yina lukutakanu yango kesalamina
Kilumbu ya 11 Juillet 2019

Bamfumu metula dikebi na bau nionso na Kirill samu yandi tulaka siniatire na mukanda yina salamaka samu na kuluwe kisika yina lukutakanu kesalamina; bapolisi mekuenda panza yinzo na yandi
Kilumbu ya 4 Juin 2019

Bamebanda kusosasosa samu na “kuzaba bantu yankaka” yina sanganaka na lukutakanu yango yina sangisaka bankundi
Na Avril 2019

Kirill mpe Bambangi ya Yehova mingi yankaka na Nijni Novgorod meluwe kisika mosi samu na kulutisa ntangu kintuadi na bankundi

Mambu metadila yandi

Kirill Yevstigneev

Kubutuka: 1979 (na Nijni Novgorod)

Disolo ya luzingu: Yandi kebongisaka mpe yandi ketaninaka ba compresseurs d’air. Yandi longukaka bakedika ya Biblia na nzila ya mama na yandi. Bikadulu ya mbote ya bampangi ya babakala mpe ya banketo ya kimvuka na bau vuandaka mpenza na bupusi na zulu na yandi. Yandi bakaka mbotama na mvula 1998. Yandi kuelanaka na Anastasiya na 2002

Mambu yina yandi metuba

Yinki masolo ya Biblia kindisaka nge na ntangu yayi?

Yozefi, muana ya Yakobi, kutanaka na mambu ya mpasi yina meluta yina munu kena kukutana na yau, kasi yandi kangaka ntima mpe yandi tudilaka Yehova ntima. Kifuani ya Yozefi mpe mutindu Yehova sadilaka yandi mambu, sadisaka munu samu munu lemba ve.

Mambu ya mpasi nge kena kukutana na yau melonga nge yinki samu na Yehova?

Nkumbu ya Yehova zola monisa ti yandi lenda sala ti bisadi na yandi kuma nionso yina kele mfunu samu na kukokisa lukanu na yandi. Beto kezabaka ve yina beto kevuandaka na dikoki ya kusala na nzila ya lusadusu na yandi.

Munu melonguka ti yakele na mfunu kutudila Yehova ntima. . . . Na kisika ya kukanisa mutindu ya kumekama yina munu lenda kutana na yau, munu kena kukanisa na mutindu munu kemonisa ti munu kezitisaka mpe munu kezolaka bampangi na munu. Na lusadusu ya Yehova, munu lenda nunga mutindu nionso ya kumekama.

Beto ketatamana kutula ntima ntangu beto kena kuwa kibakala ya Kirill, nketo na yandi, mpe ya bampangi na beto nionso ya babakala mpe ya banketo yina kena kukutana na kumeka na Russie mpe na Crimée.—Bafilipi 1:13, 14.

NEWS RELEASES