4 MARS 2022
RUSSIE

LAPOLO | Bampova ya lukindusu ya bampangi yankaka kena kukindisa mpangi ya nketo Lyudmila Shchekoldina

KUWA NA

Na kilumbu ya 23 Mai 2022, tribinale ya kizunga ya Pavlovskiy na terituare ya Krasnodar kangaka mpangi Lyudmila Shchekoldina mpe bapesaka yandi kitumbu ya bamvula yiya mpe ngonda mosi na buloko. Yandi kekota mbala mosi na buloko.

Badati ya mambu yina kuminaka yandi

Kilumbu ya 23 Avril 2020

Bamfumu ya Leta sosasosaka mambu yina bakefundila yandi na manima ya kutubila mambu metadila Biblia na infiltré mosi kondua kuzaba
Kilumbu ya 29 Avril 2020

Basoda sosasosaka na yinzo ya mpangi Lyudmila samu na bawola 9 mpe bayuvusaka yandi biuvu. Bafundaka yandi ti yandi kindisaka bisalu ya nkubukulu ya baekstremiste
Kilumbu ya 21 Juin 2021

Tribinale bandaka kusambisa yandi

Mambu metadila yandi

Lyudmila Shchekoldina

Kubutuka: 1976 (na Aleksandrovka, na terituare ya Krasnodar)

Disolo ya luzingu: Ntangu yandi vuandaka muana fioti, yandi longukaka kubula piano. Yandi kumaka longisa na kalasi

Yandi vuandaka sosa kuzaba mfunu ya luzingu mpe kuzaba mambu yina kebimisaka mambu ya kukondua lunungu. Yandi bandaka kulonguka Biblia na Bambangi ya Yehova mpe yandi bakaka bamvutu ya mbote na biuvu na yandi. Yandi bakaka mbotama na 1995

Mambu yina yandi metuba

Yinki balukindusu nge bakaka na bampangi yankaka?

Ntama mingi ve, bampangi ya banketo monisaka munu video mosi. Mosi kati na bau tubaka: “Ntangu munu kekanisaka mambu metadila nge, yina kekuizilaka munu mbala mosi na makanisi kele kifuani ya muana ya nketo ya fioti ya Yisaele. Samu na yinki? Yandi . . . vuandaka monana lokola muntu yina mekondua ngolo, kasi yandi vuandaka lokola soda yina kebangaka ve! Nge kele kifuani na diambu metadila kuvuanda na kibakala ya mutindu yina.”

Nkengi ya kizungidila tindilaka munu letre yina vuandaka na baverse ya Biblia ya lukindusu samu na kuyindula na mpinda. Mosi ya baverse yango vuandaka Nkunga 68:28. Lokola yandi sadilaka verse yango samu na munu, yandi sonikaka: “Nge kena kulutisa ntangu mosi ya mpasi bubu yayi. Kasi, munu mendimisama ti nzola yina nge kele na yau samu na Yehova mpe kukuikama na nge samu na yandi kesadisa nge nge tanina kibakala na nge. . . . Yehova kesepelaka na bisadi na yandi ya kukuikama.”

Munu kelundaka bampova yango nionso ya lukindusu na mukanda yina munu kesonikaka mambu mpe munu ketangaka yau mbala na mbala.

Beto mendimisama ti na lusadusu ya Yehova, mpangi Lyudmila mpe bampangi na beto nionso yankaka ya kukuikama ya babakala mpe ya banketo yina kena kukutana na mikakatano ketatamana kutanina kibakala na bau.—Nkunga 68:28.

NEWS RELEASES