2 FÉVRIER 2022
RUSSIE

LAPOLO | Kuvuanda ntangu nionso na mambu ya kusala kena kusadisa mpangi Andrey Vlasov samu yandi vuanda na makanisi ya mbote

KUWA NA

On July 26, 2022, the Kemerovo Regional Court denied the appeal of Brother Andrey Vlasov. He remains in prison.

Na kilumbu ya 23 Mai 2022, tribinale ya nene ya kizunga ya Prokopyevsk pesaka mpangi Andrey Vlasov kitumbu ya bamvula 7 na buloko. Yandi kekota mbala mosi na buloko.

Badati ya mambu kuminaka bau

Kilumbu ya 2 Juillet 2020

Bamfumu ya Leta bandaka kulandila mpangi Andrey samu bafundaka yandi yandi vuandaka tuadisa bisalu ya nkubukulu ya baekstremiste
Kilumbu ya 12 Juillet 2020

Basoda ya FSB sosasosaka na yinzo ya mpangi Andrey mpe na kisika na yandi ya kisalu. Bakangaka baapareyi mpe Biblia na yandi. Banataka yandi na buloko samu na mua ntangu, kaka na ntangu yango, bantu yina kesalaka baankete vuandaka yuvusa nketo na yandi Nataliya biuvu samu na kuzaba mambu yankaka
Kilumbu ya 14 Juillet 2020

Babimisaka yandi na buloko mpe batulaka yandi na yinzo mosi yina bakesungaka bantu
Kilumbu ya 9 Juin 2021

Tribinale mebanda kusambisa yandi

Mambu metadila yandi

Andrey Vlasov

Kubutuka: 1968 (na Prokopyevsk, na kizunga ya Kemerovo)

Disolo ya luzingu: Yandi kesepelaka kusala badesen mpe miziki. Yandi vuandaka sala kisalu ya kukanga bafoto

Leki na yandi ya bakala longukaka Biblia kintuadi na yandi. Yandi bakaka mbotama na 1991. Yandi kuelaka Nataliya na 2003

Mambu yina yandi metuba

Yinki mutindu nge ketaninaka makanisi ya mbote?

Kuvuanda na mambu mingi ya kusala na kilumbu kesadisaka munu munu tanina makanisi ya mbote. Munu ketangaka Biblia, munu kebongisaka balukutakanu, munu ketalaka bavideo ya nkubukulu na beto, munu ketulaka pentire, mpe munu kekuwaka baanrejistrema ya mikanda. Munu kesalaka diaka bisalu ya fiotifioti na lupangu, munu kebulaka bansaka ya dame mpe bansaka yina ketindaka munu munu kanisa na mpinda, mpe munu ketungaka bilele.

Yinki mutindu bampangi na nge Baklisto kepesaka nge lukindusu?

Munu kekindusuaka ntangu munu kekuwaka bampangi kena kuzabisa munu ti bakesambilaka samu na munu, ti kiminu na munu kele kifuani samu na bau, mpe bakele na nsatu munu bikana ya kukuikama na Yehova.

Yinki kele baverse ya Biblia yina nge kesepelaka na yau mingi, mpe yinki mutindu yakesadisaka nge?

1 Piere 4:12-14 sadisaka munu mpe nketo na munu samu na kukanga ntima na mutindu basoda kuizaka sosasosa na yinzo na beto mpe kununga bansambusulu mingi. . . . Beto kesonikaka baverse ya Biblia mpe beto kutulaka yau na kisika yina kevuandaka pete samu na kumona yau. Ntangu basoda kesungaka yinzo na beto, munu mpe nketo na munu, beto keyindulaka na bampova yango mpe yakebambulaka beto ti Yehova kesundola beto ve. Ntangu batulaka munu na mua kasho, Yezaya 40:10-13 kindisaka munu. Kiyenge yina munu bakaka na bilumbu yango sadisaka munu munu lemba kukitungisa mpe yabombaka ntima na munu.

Yakele mpenza diluaku kuvuanda bankundi ya kisalu ya mpangi Andrey mpe bampangi yankaka na Russie mpe na Crimée ntangu bakena kubikana ngui na kiminu na bau na kiese nionso.—2 Bakorinto 1:24.

NEWS RELEASES