20 AVRIL 2022
RUSSIE

LAPOLO | Maksim Zavrazhnov kena kutanina makanisi ya mbote

KUWA NA

Na kilumbu ya 30 Mai 2022, tribinale ya kizunga ya Moskovskiy na mbanza ya Nizhny Novgorod sambisaka mpangi Maksim Zavrazhnov mpe bapesaka yandi kitumbu ya bamvula 6 na buloko. Yandi kele na kimpuanza samu na mua ntangu.

Badati ya mambu kuminaka yandi

Kilumbu ya 4 Juin 2019

Bamfumu ya Leta bandaka kusosa mambu yina bakesambisila yandi
Kilumbu ya 17 Juillet 2019

Bafundaka yandi ti yandi kena kutuadisa bisalu ya baekstremiste. Bakangaka yandi, mpe yandi lutisaka mpipa mosi na buloko
Kilumbu ya 18 Juillet 2019

Bamfumu ya Leta pekisaka yandi yandi sadila telefone to Internet mpe bapekisaka yandi kubima na yinzo kubanda 21h mpe 9h ya sunka.
Kilumbu ya 3 Février 2020

Bamfumu ya Leta katulaka bipekiseli
Kilumbu ya 26 Février 2020

Bamfumu ya Leta pekisaka yandi kusala vuayaje
Kilumbu ya 6 Décembre 2021

Tribinale bandaka kusambisa yandi

Mambu metadila yandi

Maksim Zavrazhnov

Kubutuka: 1981 (na Nizhny Novgorod)

Disolo ya luzingu: Yandi bakaka diplome na kalasi ya miziki, kuna yandi longukaka kubula piano. Yandi kele teknisien na kisalu ya kutunga bayinzo. Yandi kuelaka Nadezhda na 2008

Yandi longukaka Biblia ntangu yandi vuandaka muana fioti na nzila ya mama na yandi. Yandi bakaka mbotama na 2000

Mambu yina yandi metuba

Yinki kesadisaka nge nge tanina makanisi ya mbote na ntangu yayi ya mpasi?

Konso ntangu yina munu kekutanaka na mambu ya mpasi, munu kebakusaka ti Yehova kele mpenza pene na munu. Munu kezabaka ntangu yandi kepesaka munu lusadusu na yandi. Na bantangu ya mutindu yina, lusadusu ya Tata na munu kesadisaka munu munu bika banga kumekama yina kena kuiza mpe kutanina makanisi ya mbote.

Yinki mambu nge longukaka na yina metadila Yehova na bantangu yango ya mpasi?

Mambu yina munu kutanaka na yau ndimisaka munu mpenza ti Yehova Tata na beto yina ketulaka dikebi, ketaninaka beto, kekabaka, kenlemvukilaka, mpe yandi kukibanzaka mingi samu na beto. Munu kekamuaka mbala na mbala na mutindu Yehova lenda sadila mambu ya mpasi yina kekuminaka beto samu na kulonga beto diambu mosi, samu na kusadisa beto beto kudisa bikadulu ya mbote, kukitadila mbotembote samu na kuzaba kisika beto fueti bongisa na luzingu na beto. Yasadisaka munu munu kula na kimpeve mpe munu vuanda na kiyenge na makanisi.

Lokola mikakatano ya bampangi na beto ya nzola yina kele na Russie mpe Crimée kena kutatamana, kiminu na beto na Yehova kena kukuma ngolo. Beto mezaba ti yandi kesundola ata fioti ve bisadi na yandi ya kukuikama.—Baebreo 13:5.

NEWS RELEASES