1 AVRIL 2022
RUSSIE

LAPOLO |Mpangi Sergueï Belooussov kena kukotila nkumbu ya Nzambi

KUWA NA

On June 30, 2022, the Tomsk Regional Court denied the appeal of Brother Sergey Belousov. He is not required to go to prison at this time.

Na kilumbu ya 14 Avril 2022, tribinale ya mbanza ya Seversk na kizunga ya Tomsk pesaka Mpangi Sergueï Belooussov kitumbu mpe bazengilaka yandi bamvula tatu ya buloko. Yandi kuenda ntete ve na buloko.

Badati ya mambu kuminaka yandi

Kilumbu ya 14 Juillet 2020

Basoda ya FSB sosasosaka na bayinzo 7, mosi kati na yau vuandaka yinzo ya mpangi Sergueï. Mosi ya bantu ya Leta monisaka lokola yandi mesepela kulonguka Biblia, yandi anrejistreke balukatakanu ya kimvuka na kinsueki bangonda mingi na tuala
Kilumbu ya 25 Mars 2021

Bafundaka mpangi Sergueï lokola krimineli
Kilumbu ya 30 Mars 2021

Sergueï fundamaka na kutadila baanrejistrema yina muntu yina ya Leta salaka. Sergueï fundamaka ti yandi pesaka maboko na bisalu metadila dibundu na nzila ya zoom, mpe yandi sambilaka Yehova Nzambi buela diaka kuyimbila

Mambu metadila yandi

Sergueï Belooussov

Kubutuka: 1978 (na Esil, na Kazakhstan)

Disolo ya luzingu: Yandi yundukaka na dibuta ya bantu yina kebulaka miziki. Yandi vuandaka sala kisalu ya kuran mpe kilandi ya mfumu na izini mosi ya pétrochimique. Na manima, yandi salaka lokola muntu yina kesalaka baproje. Yandi kuelaka Svetlana na 1999. Babutaka muana mosi ya nketo

Yandi kutanaka na Bambangi ya Yehova na 2001. Na kati ya Biblia, yandi longukaka nkumbu ya Nzambi, Yehova, mpe yandi bakaka bamvutu ya mbote yina yandi vuandaka kukiyuvusa. Yandi bakaka mbotama na 2002

Mambu yina yandi metuba

Yinki mutindu bampangi ya babakala mpe ya banketo tudilaka nge mpe dibuta na nge dikebi?

Bampangi na beto ya nzola ya babakala mpe ya banketo zimbakanaka beto ve. Kaka kilumbu mosi na manima ya kusosasosa, bampangi na beto ya kimpeve mpe ya kinsuni kuizaka tala beto mpe bapesaka beto lusadusu. Lokola babakaka baapareyi na beto nionso, beto vuandaka ve na dikoki ya kutanga Biblia. Kasi bampangi natinaka beto baapareyi na bau mosi, mpe yau salaka ti, beto kondua ve madia ya kimpeve konso kilumbu.

Yinki sadisaka nge na kukanga ntima?

Munu zabaka ti yavuanda yinki mambu mukekutana na yau, beto kele ya kununga na meso ya Yehova. Diambu ya mfunu kele ya kuvuanda ve na baavoka ya mbote, kasi yakele ya kuvuanda na kinkundi ya mbote na Nzambi. Beto salaka ata diambu mosi ve ya yimbi. Beto kena kuzinga na ntangu mosi ya spesiale. Yakele dibaku mosi ya mbote ya kuzinga na ntangu ya mutindu yayi! . . . Lukanu kele ya [kupesa maboko] na kukotila ngiadulu ya Nzambi. Beto kekuendaka ve na kusamba samu na kumonisa ti beto salaka diambu ve. Kasi kana beto kekuendaka, yakele samu beto kekuendaka kotila nkumbu ya Yehova Nzambi.

Lokola Sergueï, beto diaka, beto kekumisaka nkumbu ya Yehova, beto mendimisama ti ‘Yandi kezangula ngolo ya bantu na yandi.’—Nkunga 148:13, 14.

NEWS RELEASES