25 MAI 2022
RUSSIE

LAPOLO | “Yakele na mfunu ve kubanga”

KUWA NA

Na kilumbu ya 25 mai 2022, tribinale ya mbanza ya Chelyabinsk na kizunga ya Metallurgichesky pesaka mpangi Pavel Popov kitumbu ya bamvula 6 na buloko. Yandi kekuenda ve mbala mosi na buloko.

Badati ya mambu yina kuminaka yandi

Kilumbu ya 26 mars 2019

Grupe mosi ya babakala yina vuataka bamaske, bavuandaka na minduki mpe na bamarto, bakotaka na kingolo mpe basosasosaka na yinzo ya mpangi Pavel
Kilumbu ya 22 avril 2021

Bafundaka yandi
Kilumbu ya 18 mai 2021

Bamfumu ya Leta sosasosaka samu na mbala ya zole na yinzo ya mpangi Pavel. Banataka nketo ya mpangi Pavel, Yelena mpe muana na bau ya nketo ya bamvula 13 samu na kukuenda yuvusa bau biuvu
Kilumbu ya 31 août 2021

Batulaka yandi na liste ya bateroriste mpe baekstremiste
Kilumbu ya 29 novembre 2021

Tribinale bandaka kusambisa yandi

Mambu metadila yandi

Pavel Popov

Kubutuka: 1977 (na Novokuznetsk, na kizunga ya Kemerovo)

Disolo ya luzingu: Yandi bandaka kunua nsunga mpe malavu ntangu yandi vuandaka ntete ntuenia samu dibuta na bau vuandaka na nzingulu ya mbote ve. Yandi vuandaka na bamvula 15 ntangu tata na yandi kufuaka. Kisalu na yandi ya ngudi vuandaka ya kusude

Yandi bandaka kusepela na Biblia na manima ya kulonguka nsilulu ya luzingu ya mvula na mvula na paradiso. Yandi bandaka kulonguka na Bambangi ya Yehova na 1994. Nguizani ya Biblia mpe kukokisama na busikisiki ya bambikudulu na yau bendaka mpenza dikebi na yandi. Yandi bakaka mbotama na 1995

Yandi kuelaka Yelena na 2003. Bakele na muana mosi ya nketo

Mambu yina yandi metuba

Yinki sadisaka nge nge bika banga?

Yesu tubaka ti kana beno metelema na ntuala ya bamfumu, beto fueti sadila diluaku yango samu na kupesa kimbangi. (Matayo 10:18) Yakele ve mutindu mosi yina meluta mbote to yina mebonga samu na kupesa kimbangi, kasi munu kena kubaka lusadusu ya Yehova mpe ya bampangi samu munu vuandaka na dikoki ya kusala yau. Yandimisaka munu ti yakele na mfunu ve kubanga. . . . Munu bakusaka ti mikakatano kenataka balusakumunu. Kana munu mesala nionso samu na kutubila bantu yankaka nkumbu ya Nzambi mpe Kimfumu na yandi, munu lenda nunga konso diambu ya kubanga to kulemba nzutu.

Beto mezaba ti Yehova ketatamana kusadisa mpe kusakumuna bisadi na yandi ya kukuikama lokola bakena kubikana ya kukuikama kondua kubanga na ntuala ya mikakatano.—2 Samuele 22:19-21.

NEWS RELEASES