7 JANVIER 2022
RUSSIE

Mpangi Vladimir Chesnokov, Vladimir Dutkin, mpe mpangi Valeriy Yakovlev kele na buloko samu na kiminu na bau na Nzambi

KUWA NA

LAPOLO | Tribinale ya Russie mezengila Bampangi ya Yehova tatu kitumbu ya buloko

Na kilumbu ya 10 Février 2022 Tribinale ya Distrike ya Kalininskiy na Cheboksary ketuba ntama mingi ve nzengolo na bau na yina metadila bampagi Vladimir Chesnokov, Vladimir Dutkin, mpe Valeriy Yakovlev. Prokirere tuba ntete ve kitumbu yina mebonga samu na bau.

Badati ya mambu kuminaka bau

Kilumbu ya 7 Juin 2021

Vladimir Chesnokov mpe Valeriy Yakovlev fundamaka diaka kaka na mambu yango
Kilumbu ya 30 Décembre 2020

Vladimir Dutkin fundamaka; bapekisaka yandi kusala bavuayaje
Kilumbu ya 25 Novembre 2020

Bamfumu ya Leta bandaka kusosa mambu ya kufundila mpangi Vladimir Dutkin, basoda kotaka na yinzo na yandi na kingolo. Banataka yandi samu na kuyuvusa yandi biuvu

Mambu metadila bau

Vladimir Chesnokov

Kubutuka: 1959 (na Bakhmutovo, na République ya Chuvash)

Disolo ya luzingu: Yandi bakaka diplome na kisalu ya kisoda lokola lietena. Yandi mpe nketo na yandi, Nina, babutaka bana tatu

Ntangu yandi vuandaka sala na forces armées, yandi longukaka mambu metadila bansilulu ya Biblia yina metuba ti bantu ‘kekumisa mipanga na bau bima ya kubaludila ntoto.’ (Yezaya 2:4) Yandi bikaka kisalu ya kisoda mpe yandi bakaka mbotama na 1993

Mambu yina yandi metuba

Yinki lusadusu nge bakaka na bampangi?

Bampangi ya babakala mpe ya banketo sepelaka kusadisa beto. . . . Babakaka dikanisi ya kusosa mutindu ya kupesa beto lusadusu yina beto vuandaka na yau nsatu na diambu metadila mbongo kana bakarte na beto ya banki mekuma bloke. Yasimbaka mpenza ntima ya nketo na munu, yina kele ntete ve Mbangi ya Yehova. Bubu yayi yandi mebanda kumona mfunu ya kusadila bakedika ya Biblia. Yandi kumaka kusepela diaka mingi na kedika mpe yandi kepekisaka munu diaka ve kusambila Yehova mutindu yandi vuandaka sala yau ntete.

Vladimir Dutkin

Kubutuka: 1963 (na Novoaltaysk, na terituare ya Altai)

Disolo ya luzingu: Ntangu yandi vuandaka yunduka, yandi vuandaka sala bansaka ya mutindu na mutindu, na kifuani volley-ball, football mpe hockey. Yandi kele kisadi na kompani ya baasiranse

Kulonguka bambikudulu ya Biblia ndimisaka yandi ti Yehova Nzambi nde kesalaka ti yakokisama. Yandi bakaka mbotama na 2002

Mambu yina yandi metuba

Yinki kepesaka nge ngolo na ntangu yayi ya mpasi?

Na manima ya kukota na kingolo na yinzo na munu na basoda, munu sambilaka samu munu vuanda na kiese mpe na nduenga. Na ntangu nionso yina, munu vuandaka kanisa na mutindu bikadulu na munu ya mbote lenda pesa nkumbu ya Yehova nkembo. . . . Makanisi yango tatamanaka kupesa munu ngolo.

[Diaka, munu vuandaka] sepela kutubila bampangi yankaka ya babakala mpe ya banketo balusakumunu yina munu vuandaka baka. Munu lendaka tuba ti kusala mutindu yina kindisa kiminu na bau. . . Yakele diambu ya kiese kuwa mingi kati na bau kena kutuba ti bau kele diaka ve na wonga na manima ya kumona kifuani na munu.

Kutanga mpe kuyindula na mpinda Mpova ya Nzambi yina mepemama kesadisaka bampangi ya babakala mpe ya banketo samu na kununga mambu ya mpasi yina bakena kukutana na yau konso kilumbu mpe kumona Yehova lokola ‘kisika ya lutanunu na kilumbu ya mpasi.’—Nkunga 27:5.

NEWS RELEASES