16 MAI 2022
RUSSIE

Sergey Ananin kena kukumisa kiminu na yandi na Nzambi ngolo

KUWA NA

Ntama mingi ve tribinale ya mbanza ya Belovskiy na kizunga ya Kemerovo kebaka nzengolo na diambu metadila mpangi Sergey Ananin. Prokirere tuba ntete ve kitumbu yina bakepesa yandi

Badati ya mambu kuminaka yandi

Kilumbu ya 9 février 2021

Babandaka kusambisa yandi. Bafundaka Sergey ti yandi vuandaka pesa maboko na bisalu ya nkubukulu ya baekstremiste
Kilumbu ya 14 février 2021

Bakangaka yandi mpe batulaka yandi na buloko yina baketulaka bantu samu na mua ntangu
Kilumbu ya 16 février 2021

Batulaka yandi na kasho
Kilumbu ya 25 janvier 2022

Tribinale bandaka kusambisa yandi

Mambu metadila yandi

Sergey Ananin

Kubutuka: 1967 (na Shchuchye, na kizunga ya Kurgan)

Disolo ya luzingu: Yandi kebulaka gitare. Tekila batula yandi na kasho, yandi vuandaka sala na baraje ya kuran

Yandi kuelaka Yelena na 1988. Babutaka bana zole ya banketo

Yandi bandaka kulonguka Biblia na Bambangi ya Yehova kintuadi na nketo na yandi na 1995. Bau zole bakaka mbotama na1996

Mambu yina yandi metuba

Yakele na verse mosi ya Biblia yina sadisaka nge samu nge tudila diaka Yehova ntima ya ngolo?

Nkunga 113:5-7 metuba: ‘Nani kele lokola Yehova Nzambi na beto, muntu yina kezingaka na zulu? Yandi kekukikitisaka samu na kutala dizulu mpe ntoto, yandi kekatulaka muntu ya kondua mfunu na fundufundu. Yandi kekatulaka mputu na dibombe mpe yandi ketelemisaka yandi.’ Na bampova yankaka, Yehova kesukaka kaka ve na kutala mambu yina kekuminaka beto, kasi yandi ‘kekukikitisaka’ mpe yandi ketudilaka beto mpenza dikebi. . . . Yavuanda mambu ya yinki mutindu beto kena kukutana na yau, Yehova kemonaka yau nionso mpe yandi kesala samu na mambote na beto. . . . Kuzaba diambu yango kesadisaka munu samu mukikomona ti mukele na lutanunu, yakesalaka ti munu tudila diaka Yehova ntima ya ngolo, mpe yaketindaka munu munu bikana ya kukuikama na yandi.

Beto kele na kivuvu ti Yehova Nzambi yina mefuluka na nzola, yina kesadisaka, mpe yina kesakumunaka ketatamana kusadisa bampangi na beto ya Russie mpe bisadi na yandi nionso ya kukuikama na ntoto.—Malaki 3:10.

NEWS RELEASES