Ntama mingi ve, tribinale ya Yugorskiy ya dristiki ya Autonome ya Khantys-Mansis—Iougra kebaka nzengolo samu na nsambusulu ya mpangi Andrey Zhukov. Prokirere tuba ntete ve kitumbu yina bakepesa yandi.

1. Kilumbu ya 17 Août 2020

   Bamfumu ya Leta bandaka kusambisa mpangi Andrey, bafundaka yandi ti yandi vuandaka tuadisa na kinsueki nkubukulu mosi ya “baekstremiste”

2. Kilumbu ya 19 Août 2020

   Basosasosaka na bayinzo 9 ya Bambangi ya Yehova, buela diaka yina ya mpangi Andrey. Batulaka yandi na buloko samu na mua ntangu

3. Kilumbu ya 20 Août 2020

   Babikaka yandi mpe batudilaka yandi bipekiseli

4. Kilumbu ya 14 Janvier 2021

   Babuelaka yandi na liste ya baekstremiste, mpe bakepekisaka yandi kusadila mbongo na yandi yina kele na banke

5. Kilumbu ya 4 Août 2021

   Bamfumu ya Leta fundaka diaka mpangi Andrey samu na mambu yankaka, lokola “kusambila Yehova Nzambi, kusala bankinzi ya dibundu, mpe kulonguka mikanda ya dibundu.” Na manima, bayuvusaka yandi biuvu

6. Kilumbu ya 15 Octobre 2021

   Bamfumu ya Leta mangaka kundima diambu yina lombamaka ya kubika kusambisa yandi

7. Kilumbu ya 29 Décembre 2021

   Nsambusulu bandaka

Lusadusu yina Yehova kena kupesa Andrey mpe bampangi na beto nionso ya nzola yina kena kukutana na kutelemina, kena kutatamana kumonisa ‘kidimbu ya kimpombo na yandi’ mpe yandi kele ‘nsadisi mpe muntu yina kebombaka.’—Nkunga 86:17; nyp.