5 MAI 2022
RUSSIE

Yehova kena kupesa mpangi Sergey Kuznetsov kilendo

KUWA NA

Ntama mingi ve, tribinale ya kizunga ya Vyazemskiy, na terituare ya Khabarovsk kebaka nzengolo samu na mambu metadila mpangi Sergey Kuznetsov. Prokirere tuba ntete ve kitumbu yina bakepesa yandi.

Badati ya mambu kuminaka yandi

Kilumbu ya 3 septembre 2020

Basoda ya FSB sosasosaka na yinzo ya mpangi Sergey. Babakaka Biblia, baapareyi yina kesalaka na kuran, ba flash disque, mpe mikanda yina kesasilaka Biblia
Kilumbu ya 2 avril 2021

Bamfumu ya Leta buelaka mpangi Sergey na liste ya bateroriste. Bapekisaka mpangi Sergey kubaka mbongo na yandi na banke
Kilumbu ya 9 novembre 2021

Tribinale bandaka kusambisa yandi

Mambu yina metadila yandi

Sergey Kuznetsov

Kubutuka: 1991 (na Alonka, na terituare ya Khabarovsk)

Disolo ya luzingu: Yandi kele na bampangi zole ya banketo ya mbuta. Yandi kezolaka bansaka ya basketball, ya ski, mpe volleyball

Na manima ya kulonguka Biblia, busikisiki ya Biblia mpe kuzaba ti Mvangi kele simbaka ntima na yandi. Yandi bakaka mbotama na 2014

Yandi ponaka kusala na opitale yina kebelusaka maladi ya yintu na kisika ya kusala na kisalu ya kisoda

Mambu yina yandi metuba

Yinki mutindu dibuta na nge ya kimpeve pesaka nge lukindusu?

Bankama ya bampangi ya babakala mpe ya banketo yina mekutanaka na mikakatano kele lokola basoda ya mvita ya ngolo yina kevuandaka pene ya kuniokuama samu na Klisto. Munu kele na kiese kuvuanda mosi kati na bau.

Kimvuka na munu diaka pesaka munu lukindusu. Kusala kintuadi na bampangi na munu ya babakala mpe ya banketo kesadisaka munu munu bikana ya kukuikama na Yehova samu kubaka lusakumunu yina kele na bilumbu kena kuiza. Yakele lokola nge kena kumonte mongo mosi ya yinda kuluta. Yazolaka vuanda mpasi kana nge vuandaka nge mosi . . . Kasi kana beno kena kusala yau beno mingi kintuadi, beto kekindasana mpe beto ketatamana kukuenda na ntuala.

Beto mendimisama ti Yehova kepesa bampangi nionso ya babakala mpe ya banketo ya Russie mpe ya Crimée kibakala lokola bakena kukanga ntima samu na nkumbu na yandi.—Kusonga 2:3.

NEWS RELEASES