Kilumbu ya 15 Janvier 2022, ba îles ya Tonga bebisamaka na Tsunami mosi ya ngolo, yina salamaka na nzila ya volkan mosi yina salamaka na yinsi ya maza ya océan Pacifique. Bivonza na yau kumaka tii na Amérique du Sud mpe na Japon. Dibombe ya Volkan mpe kufuluka ya maza nataka bisumbula ya nene na Tonga, bisumbula yango nionso zole nataka bivonza mingi.

• Mosi ve na kati ya bampangi na beto lualaka

• Komite mosi ya kupesa lusadusu ya nsualu salamaka

• Bampangi kena kupesa lusadusu samu na kukatula dibombe yina mefuluka na bayinzo, yakena kusadisa samu na kubaka maza ya mvula samu na kunua

• Lusadusu nionso yina kena kusalama na kuzitisaka bankubukulu metadila lutanunu samu na COVID-19

Bampangi vutukilaka na nsualu nionso kusala mambu ya kimpeve mpe bakena kusala balukutakanu mbala na mbala. Beto mezaba ti Yehova kemonisa ti yandi kele ‘nsadisi mpe muntu yina kebombaka’ samu na bampangi na beto yina mekutana na bisumbula yango.—Nkunga 86:17.