Ntangu beto kena kutanga Biblia, beto lenda sadila bisadulu ya mutindu na mutindu ya ndongokolo samu na kubakusa mbote mambu yina beto kena kutanga. Kasi, beto fueti tanga ve kaka samu na kubuela nzayilu na beto ya Biblia. Beto fueti sosa bima ya ntalu ya kimpeve yina metadila kimuntu ya Yehova yina kekudisa nzola na beto samu na yandi. Samu na kusala yau, beto lenda kukiyuvusa, ‘Yinki verse yayi ya Biblia kena kulonga munu samu na Yehova?’

Beto lenda sosa bidimbu yina kena kumonisa bikadulu ya nene ya Yehova yina kele nzola, nduenga, lunungu, mpe kilendo. Kasi, kimuntu ya Yehova suka kaka ve na bikadulu yango ya nene. Yamesangisa diaka bikadulu na yandi yankaka mingi ya kitoko. Wapi nge lenda monina masolo yankaka yina metadila bikadulu na yandi?

Tala liste ya bikadulu yankaka kuluta 50 yina kele na Index des publications des Témoins de Jéhovah na yintu ya diambu “Jéhovah” mpe na yintu ya diambu ya fioti “Qualités par nom.” Sosa yina kele na nguizani na disolo ya Biblia yina nge kena kutanga. (Kana nge kele kaka na Buku ya bolukiluki mpo na Batatoli ya Yehova, tala na yintu ya diambu “Yehova Nzambe” mpe na yintu ya diambu ya fioti “Bizaleli ya Yehova.”)