Tanga Kuyantika 25:29-34 Samu na kuzaba kana Ezau mpe Yakobi bakaka banzengolo ya nduenga.

Longuka mambu mingi yankaka na baverse yina kele na ntuala to na manima ya disolo. Yinki mambu salamaka na ntuala? (Kuy. 25:20-28) Yinki mambu salamaka na manima?​—Kuy. 27:1-46.

Sosasosa samu na kuzaba mambu yankaka. Na ntangu yango, yinki vuandaka bayinsua mpe biyekua ya muana ya ntete?​—Kuy. 18:18, 19; w10-LI 1/5 13.

• Bayinsua yango vuandaka lomba kaka muntu vuanda mosi ya bankaka ya Masiya? (w17.12-LI 14-15)

Sosa kumona malongi mpe sadila yau. Samu na yinki yinsua ya kuvuanda muana ya ntete vuandaka na valere mingi samu na Yakobi, kasi ve samu na Ezau? (Ebr. 12:16, 17; w03-LI 15/10 28-29) Yinki mutindu Yehova kukimonaka samu na Yakobi mpe Ezau, mpe samu na yinki? (Mal. 1:2, 3) Yalombaka Ezau sala yinki diambu samu na kubaka banzengolo ya mbote kuluta?

• Kukiyuvusa, ‘Yinki mutindu munu lenda monisa ti munu kebakaka mambu ya kimpeve na valere na mambu yina munu kesalaka konso sabala, na kifuani ntangu munu kena kusala programe ya nsambudulu ya dibuta?’