Kilumbu mosi mpangi mosi ya nketo na Nouvelle-Zélande talaka video “Soucions-nous les uns des autres,” yina ketubilaka mutindu Yehova kemonaka kaka ve ntima kiadi, kasi yandi kemonisaka yau diaka. (Yez. 63:7-9) Yandi bakaka nzengolo ya kusadila mambu yina yandi longukaka na video yango na kupesaka bantu yankaka lusadusu yina mebonga. Na manima ya kilumbu yango, ntangu yandi vuandaka sumba baepisi na wenze, yandi kutanaka na nketo mosi yina vuandaka zinga na balabala mpe yandi yuvusaka nketo yango kana yandi kesepela yandi sumbila yandi bima ya kudia. Nketo yango ndimaka. Ntangu mpangi yango ya nketo vutukaka samu na kupesa yandi bima ya kudia, yandi pesaka yandi kimbangi na nkufi, na kusadilaka trakte Kilumbu kele bampasi kemanisa?

Nketo yango bandaka kudila. Nketo yango sasilaka ti bibuti na yandi vuandaka Bambangi ya Yehova mpe balongaka yandi kedika kasi yandi kuendaka ve na ntuala. Kasi ntama mingi ve, yandi sambilaka Yehova sadisa yandi samu yandi vutukila yandi. Mpangi ya nketo pesaka nketo yango Biblia mpe nketo yango ndimaka kulonguka Biblia. a

Beto lenda landa kifuani ya Yehova ya kumonisina bantu ntima kiadi, yavuanda bampangi na beto ya dibuta mpe bampangi na beto ya kimvuka. Mpe beto lenda monisa ntima kiadi na kusosaka maluaku samu na kupesa bantu yankaka kimbangi.