Ntangu beto kena kutanga Biblia, beto lenda sosa bima ya ntalu ya kimpeve na kusosasosaka. Kasi yinki mutindu beto lenda baka mambote mingi kuluta?

Kota na mpinda ya mambu ya fiotifioti ya masolo ya Biblia. Na kifuani, sosa kuzaba nani sonikaka verse yango, nani yandi sonikinaka yau, mpe yinki ntangu yandi sonikaka yau. Yinki diambu salaka ti yandi sonika yau, yinki mambu salamaka tekila yandi sonika yau, mpe yinki mambu salamaka na manima ya kusonika yau?

Kanisa na malongi yina nge lenda baka na kukiyuvusaka biuvu lokola: ‘Bantu yina nge kena kutanga na disolo yango kukimonaka yinki mutindu? Yinki bikadulu bamonisaka? Samu na yinki munu fueti landa bikadulu yango to kumanga kukudisa yau?’

Sadila malongi yina nge mebaka, mbala yankaka na kisalu ya kusamuna to na nguizani na nge na bantu yankaka. Na kusalaka mutindu yina, nge kemonisa nduenga ya Nzambi, mutindu Biblia metuba: ‘Konso muntu yina kele na nduenga ketudila mambu yayi dikebi.’​—Nk. 107:43.

• Dibanza: Tala mutindu masolo yina kele na kitini Bima ya ntalu na Mpova ya Nzambi ya lukutakanu ya katikati ya sabala kesadisaka beto samu beto kanisa na mutindu ya kusadila mambu yina beto kena kulonguka. Mbala mingi kitini yango kevuandaka na biuvu yina beto lenda kukiyuvusa, mambu yina beto lenda yindula na mpinda na zulu na yau, mpe bafoto yina beto lenda tadila.