PROGRAME YA NDONGOKOLO
Monisaka kibakala ata ntangu bakena kutula nge mbamba
Tanga Yirimia 38:1-13 samu na kubaka malongi na kifuani ya kibakala yina mbikudi Yeremia mpe mukube Ebede-meleke monisaka.
Tadila mambu yina kele na ntuala mpe na manima ya baverse yango. Yinki mutindu Yeremia monisaka kibakala na kusamunaka nsangu ya Yehova? (Yir. 27:12-14; 28:15-17; 37:6-10) Yinki bantu salaka ntangu bakuwaka mambu yina Yeremia tubilaka bau?—Yir. 37:15, 16.
Kota na mpinda. Yinki mambu bantu vuandaka lomba Yeremia yandi sala? (jr-LI 26-27 ¶20-22) Sosa kuzaba mutindu bavuandaka sadila mabulu ya kulundila maza mpe mutindu yavuandaka. (it-1-F 483-484) Yinki banguilu mbala yankaka Yeremia vuandaka na yau ntangu yandi vuandaka na kati ya dibulu ya kulundila maza yina vuandaka na potopoto? Yinki mambu ya kubangisa yalombaka Ebede-meleke nunga?—w12-LI 1/5 31 ¶2-3.
Sosa kumona malongi. Kukiyuvusa:
-
‘Yinki disolo yayi melonga munu na mutindu Yehova ketaninaka bisadi na yandi ya kukuikama?’ (Nz. 97:10; Yir. 39:15-18)
-
‘Na yinki mambu yakelomba munu monisa kibakala?’
-
‘Yinki mutindu munu lenda kudisa kibakala na munu samu na kusala mambu yina kele mbote ntangu bakena kutula munu mbamba?’ (w11-LI 1/3 30) a
a Samu na kuzaba mambu yankaka, tala disolo “Programe ya ndongokolo” na Yinzo’a zulu ya Nkengi ya juillet 2023.
