Mutindu mosi na bantu mingi, mbala yankaka yakevuandaka mpasi samu na nge na kubambuka na mambu yina nge kelongukaka. Kasi, yakevuandaka pete na kubambuka na mambu yina Yesu longaka samu yandi vuandaka sadila mingimingi bifuani. Nge lenda mona yau na makanisi, mpe yakesadisa nge samu nge bambuka na yau. Mutindu mosi, nge lenda bambuka na mambu mingi yina nge kelongukaka na kusalaka bifikula na makanisi. Yinki mutindu nge lenda sala yau? Na kusalaka bifikula ya mambu yina nge kena kulonguka.

Mbala mingi, bantu yina kesalaka bifikula ya mambu ya yimpa yina bakelongukaka kebambukaka na yau mbote kuluta. Kusala bifikula na makanisi kesadisaka bau kaka ve na kubakusa mbote bampova, kasi yakesadisaka bau diaka na kubakusa mbote mambu ya mfunu yina balongukaka. Bifikula na bau kevuandaka ve ya mindondo kasi ya pete. Yamemonana puelele ti kusala bifikula na makanisi lenda sadisa mingimingi bantu yina mepusana na bamvula na kubambuka na mambu yina balongukaka.

Na ndongokolo na nge ya mbala kekuiza, nge lenda meka kusala bifikula na makanisi ya mambu yina nge melonguka. Nge lenda kamua na mambu mingi yina nge kebambuka na yau!