BAMPOVA YA BIBLIA
Kunlemvukila masumu yina salamaka tekila nkudulu pesama
Nzambi lenda nlemvukila masumu na beto kaka na nzila ya nkayilu ya nkudulu yina Yesu futaka na menga na yandi. (Efe. 1:7) Kasi, Biblia metuba: ‘[Nzambi] vuandaka kanga ntima mpe kunlemvukila masumu yina salamaka na ntangu ya ntama,’ yazola monisa, tekila Yesu pesa nkudulu. (Bar. 3:25) Yinki mutindu Yehova lendaka nlemvukila masumu tekila nkudulu pesama mpe kutatamana kuvuanda Nzambi ya lunungu?
Samu na Yehova, yavuandaka lokola nkudulu futamaka na ntangu kaka yandi bakaka nzengolo ya kupesa ‘nkuna’ mosi yina kevukisa bantu. (Kuy. 3:15; 22:18) Nzambi zabaka mpenza ti na ntangu yina mebonga, Muana na yandi kaka mosi kendima kupesa nkudulu. (Bag. 4:4; Ebr. 10:7-10) Ntangu Yesu vuandaka na ntoto, Yehova pesaka yandi kimfumu ya kunlemvukila masumu tekila nkudulu pesama. Yandi vuandaka sala yau na kusadilaka valere ya nkayilu na yandi yina yandi kepesa samu na bantu yina vuandaka na kiminu na yandi.—Mat. 9:2-6.