Yakevuandaka mbala yankaka mpasi samu na nge na kubambuka na mambu yina nge mekatuka kulonguka? Yakekuminaka beto nionso mbala na mbala. Yinki lenda sadisa nge? Kuvutukilaka mambu ya ngudi.

Ntangu nge kena kutanga, salaka mua bapoze samu na kumona makanisi yina meluta mfunu. Tala mutindu ntumua Paulo sadisaka bantu yina vuandaka tanga baletre na yandi na kusala mutindu yango ntangu yandi sonikaka: “Ntangu yayi diambu ya mfunu mpenza . . . yau yayi.” (Ebr. 8:1) Na mutindu yango, yandi sadisaka bau babakusa mambu yina yandi zolaka tuba mpe mutindu mambu nionso yina yandi tubaka vuandaka na nguizani.

Nge lenda baka mua ntangu, mbala yankaka miniti 10 na nsuka ya konso ndongokolo na nge, samu na kukanisa na zulu ya mambu ya ngudi ya mambu yina nge metanga. Kana nge kena kuzaba yau diaka ve, tala bayintu ya diambu ya fioti to bampova ya ntete ya konso paragrafe samu yasadisa nge nge bambukila yau. Kana nge melonguka diambu mosi ya yimpa, meka kusasila yau na bampova na nge mosi. Kana nge kena kuvutukila mambu ya ngudi, yakevuanda pete samu nge bambukila yau. Nge kebakusa mbote kuluta mutindu nge lenda sadila yau na luzingu na nge.