Bibuti kele na kiyekua ya nene ya kulonga bana na bau mambu metadila Yehova. (Efe. 6:4) Samu na kusadisa bibuti, nkubukulu ya Yehova mebimisaka masolo, bavideo mpe miyimbu mingi. Yinki mutindu nge lenda sadila yau samu na kulonga bana na nge?

• Sosa kisadulu yina mebonga. JW.ORG kele na bima nionso yina mebimisamaka samu na bantuenia, buela diaka bavideo mpe bapaje yina balenda sadila samu na kusonika. a Samu na kumona yau, kota na kisika bamesonika “Bana” to “Bilenge” na kisika bakesosasosaka.

• Pona yina mebonga samu na bana na nge. Mambu yina mebimisamaka na kitini “Bana” lenda sadisa nge samu nge pona bavideo, miyimbu, mpe bapaje yina mebonga samu na muana na nge. Samu na kumona yau, sosa “Mpo na Losambo na kati ya libota.”

• Baka ntangu ya kusolola mambu yango na bana na nge. Kusadila ve bavideo to kufulusa ve bapaje yina mebongisama samu na kusonika kaka samu muana na nge zanga ve diambu ya kusala. Kasi, solola yau na muana na nge mpe sadisa yandi samu yandi kumisa kinkundi na yandi na Yehova ngolo.