26 Février–3 Mars
NKUNGA 11-15
Muyimbu 139 mpe kisambu | Bampova ya ebandeli (Min. 1)
1. Kukimona na kati ya yinza ya yimpa mpe ya kiyenge
(Min. 10)
Kana bantu kena kumanga kuzitisa bansiku mpe bakena kusala ve mambu na mulongo, yakebimisaka kinkesi yina beto kena kumona bubu yayi (Nk 11:2, 3; w06-LI 15/5 18 ¶3)
Beto lenda tula ntima ti ntama mingi ve, Yehova kemanisa kinkesi (Nk 11:5; wp16.4-LI 11)
Kukanisa na nsilulu ya Yehova ya kuvukisa beto lenda sadisa beto na kuvingila na ntima yinda nionso yinza ya yimpa (Nk 13:5, 6; w17.08-LI 7 ¶15)
MEKA KUSALA MUTINDU YAYI: Tanga Ezekiele 34:25, mpe baka ntangu ya kukimona na kisika mosi ya kiyenge yina bametubila na verse yango.—kr-LI 236 ¶16.
2. Bima ya ntalu ya kimpeve
(Min. 10)
-
Nk 14:1—Yinki mutindu mambu yina kele na verse yayi lenda vuanda kivonza ata samu na Baklisto? (w13-LI 15/9 19 ¶12)
-
Yinki bima ya ntalu ya kimpeve nge bakaka na ntangulu ya Biblia ya sabala yayi, yina nge kesepela kutubila?
3. Ntangulu ya Biblia
(Min. 4) Nk 13:1–14:7 (th-LI dilongi 2)
4. Kubanda disolo
(Min. 2) KUPESA KIMBANGI NA DILUAKU YA MBOTE. Bokidisa muntu yango na Mbambukulu. (lmd dilongi 5 poin 3)
5. Kubanda disolo
(Min. 1) YINZO NA YINZO. Bokidisa muntu yango na Mbambukulu. (lmd dilongi 3 poin 4)
6. Kubanda disolo
(Min. 3) YINZO NA YINZO. Muntu yango memonisa ti yandi mesepela na mbokodoso ya Mbambukulu. (lmd dilongi 7 poin 4)
7. Kumisa bantu banlonguki
(Min. 5) lff dilongi 13 bunkufi, mvutukulu, mpe lukanu. Sadila disolo mosi na kitini “Sosa” samu na kusadisa nlonguki na nge yandi bakusa mutindu Nzambi ketadilaka mabundu ya luvunu. (th-LI dilongi 12)
Muyimbu 8
8. ‘Nduenga kele mbote kuluta binuanunu ya mvita’
(Min. 10) Disolo na kimvuka.
Mambu ya kinkesi kena kukuma mingi na yinza. Yehova mezaba ti kinkesi yina beto kena kumona mpe beto kena kukutana na yau lenda sala ti beto kukitungisa mingi. Yandi mezaba diaka ti beto kele na nsatu ya lutanunu. Mosi ya mutindu yandi ketaninaka beto kele na nzila ya Mpova na yandi, Biblia.—Nk 12:5-7.
Biblia kele na nduenga yina kele ‘mbote kuluta binuanunu ya mvita.’ (Lon 9:18) Beto tadila mutindu bansikudukusu yayi ya Biblia melanda lenda sadisa samu beto kukitanina samu beto kutana ve na mambu ya kinkesi.
-
Lon 4:9, 10—Manga kuvuanda nge mosi na bisika mpe na mambu yina mekondua lutanunu
-
Bin 22:3—Zaba mambu yina kena kuluta nzinganzinga na nge ntangu nge kele na bisika ya bantu mingi
-
Bin 26:17—Kukota ve na mambu yina tala nge ve
-
Bin 17:14—Katuka na kisika yina nge kele kana nge memona ti kinkesi zola bima. Mpe vuanda ntama na bagrupe ya bantu yina kena kumonana ti bakele batomboki
-
Luka 12:15—Kutula ve luzingu na nge na kivonza samu na kutanina bima yina nge kele na yau
Tula VIDEO Landa kifuani ya bantu ya kukuikama, kasi ve bantu ya kukondua kukuikama—Enoka, kasi Lameki ve. Na manima yuvusa kimvuka:
Yinki mutindu kifuani ya Enoka vuandaka na bupusi na banzengolo mpe na bikadulu ya tata na ntuala ya kinkesi?—Ebr 11:5
Na mambu yankaka, Muklisto lenda kukimona ti yandi lenda sala nionso yina yandi lenda samu na kukitanina mpe kutanina bima na yandi. Kana yakele mutindu yina, yandi fueti sala nionso yina yandi kele na dikoki ya kusala samu muntu kufua ve mpe yandi kuma ve na mfuka ya menga.—Nk 51:14; tala Mituna ya batangi” na Linɔ́ngi ya Mosɛnzɛli ya juillet 2017.
9. Kampanye ya Mbambukulu kebanda kilumbu ya samedi 2 mars
(Min. 5) Diskur yina kesalama na nkulutu mosi. Tubila bankubukulu yina kimvuka na beno mebaka samu na kampanye, diskur ya spesiale, mpe Mbambukulu. Bambula bansamuni ti balenda pona kuvuanda bampasudi nzila ya ntangu ya nkufi ya bawola 15 na ngonda ya mars mpe avril.
10. Ndongokolo ya Biblia na kimvuka
(Min. 30) bt-LI kikapu 6 ¶9-17
