LUZINGU YA BAKLISTO
“Kukotila nsangu ya mbote mpe kuvuandisa yau na nzila ya minsiku”
Ntangu bambeni pekisaka Bayisaele kutunga diaka tempelo, bantu yina vuandaka tunga yau salaka ngolo samu na kubaka yinsua ya kutunga yau. (Esd 5:11-16) Mutindu mosi diaka bubu yayi, Baklisto kesalaka nionso samu na kukotila nsangu ya mbote na nzila ya minsiku. (Fil 1:7) Samu na kusala yau, departema mosi ketadilaka minsiku ya Leta salamaka na biro ya nene na 1936. Bubu yayi, departema yango ya biro ya nene kebongisaka mambu samu na kukotila mambote ya Kimfumu na yinza ya mvimba. Yinki mutindu departema yango kepesaka maboko samu na mambote ya Kimfumu mpe ya bisadi ya Nzambi?
TALA VIDEO VIZITI YA DEPARTEMA YINA KETADILAKA MINSIKU YA LETA NA BIRO YA NENE, MPE NA MANIMA PESA BAMVUTU NA BIUVU YAYI:
-
Yinki mambu ya mpasi yina metadila minsiku ya Leta Bambangi ya Yehova kutanaka na yau?
-
Yinki mambu beto nungaka na batribinale? Pesa kifuani
-
Yinki kiyekua mosimosi kati na beto kele na yau na diambu metadila ‘kukotila nsangu ya mbote na nzila ya minsiku’?
-
Na site na beto, yinki kisika beto lenda mona mambu yina bisadi ya Nzambi kena kukutana na yau na diambu metadila minsiku ya Leta mpe liste yina kena kumonisa ntalu ya Bambangi ya Yehova yina mekota buloko samu na kiminu na bau?
