LUZINGU YA BAKLISTO
Bakesalaka kisalu ya ngolo samu na kusadila beto
Bankengi ya kizungidila mpe banketo na bau kemonisaka nzola ya kedika na bantu yina bakekuendaka tala. Mutindu mosi na beto nionso, bakevuandaka na bansatu, mpe na bantangu yankaka bakekutanaka na mambu lokola kulemba nzutu mpe kutungisama. (Yak 5:17) Nzokande, konso sabala baketulaka makanisi na bau na diambu metadila kukindisa bampangi na kimvuka yina bakena kutala. Bankengi ya kizungidila ‘mebonga [mpenza] kubaka lokumu mbala zole.’—1Tm 5:17.
Ntangu ntumua Paulo bongisaka viziti na yandi samu na kukuenda na Roma samu na kupesa ‘mua dikabu ya kimpeve’ na kimvuka yango, yandi vuandaka na nsatu ya Ngolo ya ‘kukindasana’ na bampangi (Bar 1:11, 12) Nge mekanisaka deja samu na mutindu ya kukindisa nkengi ya kizungidila na beno mpe nketo na yandi, kana yandi kele ya kukuela?
TALA VIDEO LUZINGU YA NKENGI YA KIZUNGIDILA MOSI NA BUALA MOSI YA NTAMA, MPE NA MANIMA PESA BAMVUTU NA BIUVU YAYI MELANDA:
-
Na yinki mitindu bankengi ya kizungidila mpe banketo na bau kemonisaka nzola ya kedika samu na bampangi ya kimvuka?
-
Yinki mutindu nge mebakaka mambote na bangolo yina bakesalaka?
-
Yinki mutindu beto lenda kindisa bau?
