29 Juillet–4 Août
NKUNGA 69
Muyimbu 13 mpe kisambu | Bampova ya ebandeli (Min. 1)
1. Mutindu mambu yina kele na Nkunga 69 kokisamaka na luzingu ya Yesu
(Min. 10)
Bavuandaka yina Yesu kaka mpamba (Nk 69:4; Yoa 15:24, 25; w11-LI 15/8 11 ¶17)
Yesu vuandaka na vema samu na nsambudulu ya kedika (Nk 69:9; Yoa 2:13-17; w10-LI 15/12 8 ¶7-8)
Yesu vuandaka mona mpasi ya ngolo mpe bapesaka yandi vinu yina bamesangisa na maza ya ndudi (Nk 69:20, 21; Mat 27:34; Luka 22:44; Yoa 19:34; g95-F 22/10 31 ¶4; it-2-F 600)
KIUVU SAMU NA KUYINDULA NA MPINDA: Samu na yinki Yehova sonikisaka bambikudulu yina metadila Masiya na Masonukua ya Ebreo?
2. Bima ya ntalu ya kimpeve
(Min. 10)
-
Nk 69:30, 31—Yinki mutindu baverse yayi lenda sadisa beto beto bongisa diaka bisambu na beto? (w99-LI 15/1 18 ¶11)
-
Yinki bima ya ntalu ya kimpeve nge bakaka na ntangulu ya Biblia ya sabala yayi, yina nge kesepela kutubila?
3. Ntangulu ya Biblia
(Min. 4) Nk 69:1-25 (th dilongi 2)
4. Vuanda na ntima yinda—Mambu yina Yesu salaka
(Min. 7) Disolo na kimvuka. Tula VIDEO, mpe na manima beno tubila na mua mukanda lmd dilongi 8 poin 1-2.
5. Vuanda na ntima yinda—Landa kifuani ya Yesu
(Min. 8) Disolo na kimvuka na mua mukanda lmd dilongi 8 poin 3-5 mpe “Tala diaka.”
Muyimbu 134
6. Bansatu ya kimvuka
(Min. 5)
7. Malongi samu na nkokila ya nsambudulu ya dibuta
(Min. 10) Disolo na kimvuka.
Na janvier 2009, basangisaka Ndongokolo ya mukanda ya kimvuka, Kalasi ya kisalu ya teokrasi mpe Lukutakanu ya kisalu samu yakuma lukutakanu kaka mosi ya katikati ya sabala. Yapesaka mabuta nkokila mosi konso sabala samu na kuvuanda na programe na bau ya nsambudulu ya dibuta. Bampangi mingi monisaka butondi na bau samu na nkubukulu yango yina salamaka samu na kusadisa bau bapusana penepene ya Yehova mpe bavuanda na bumosi.—Kul 6:6, 7.
Yinki kele ndambu ya malongi yina lenda sadisa bamfumu ya mabuta samu balutisa nsambudulu mosi ya mbote ya dibuta?
-
Beno salaka yau konso sabala. Kana dikoki kele, beno tula ntangu samu nsambudulu ya dibuta salama konso sabala. Beno vuanda pene ya kusala yau kilumbu yankaka kana diambu mosi mepekisa beno beno sala yau na kilumbu yina beno kesalaka yau
-
Beno kukibongisaka. Beno sololaka na banketo na beno, mpe na bantangu yankaka beno yuvusaka bana na beno samu bapesa makanisi. Kukibongisa lomba kaka ve yavuanda ya mpinda, mingimingi kana dibuta na beno kesepelaka kusala mutindu mosi ya nsambudulu konso sabala
-
Beno sala ti programe na beno vuanda na nguizani na bansatu ya dibuta na beno. Ntangu bana kena kuyunduka, bansatu mpe makoki na bau kesobaka. Programe yango fueti sadisa konso muntu na kati ya dibuta samu yandi kula na kimpeve
-
Beno sala ti muntu nionso kukimona mbote mpe yandi kukimona ti bakezolaka yandi. Na bantangu yankaka, beno tala kana beno lenda sala yau na nganda kana klima kele mbote. Kana yakele na mfunu, beno bakaka mua ntangu ya kupema ntangu beno kena kusala yau. Atako beno fueti tula dikebi na mambu ya mpasi yina bantu ya dibuta na beno kena kukutana na yau, beno sadila ve nsambudulu ya dibuta samu na kuvueza to kupesa disiplini na bantu ya dibuta na beno
-
Beno sadila mambu ya mutindu na mutindu. Na kifuani, samu na kusala nsambudulu na dibuta beno lenda bongisa kitini ya lukutakanu yina kena kuiza, kutala mpe kutubila video mosi yina kele na jw.org, mpe kusala bambonosono samu na mambu yina beno ketuba na kisalu ya kusamuna. Atako kusolola fueti vuanda diambu ya ngudi ya nkokila ya nsambudulu ya dibuta, kasi beno lenda sadila diaka ntangu yango samu konso muntu sala ndongokolo na yandi mosi
Yuvusa kimvuka kiuvu yayi:
-
Yinki mutindu beno mekaka kusadila malongi yayi na nsambudulu na beno ya dibuta?
8. Ndongokolo ya Biblia na kimvuka
(Min. 30) bt-LI kikapu 13 ¶8-16, ankadre na paje 105
