5-11 Août

BIMA YA NTALU NA MPOVA YA NZAMBI

1. ‘Tubila dibuta yina kena kuiza’ mambu metadila kilendo ya Nzambi

(Min. 10)

Davidi monaka lutanunu ya Yehova na kintuenia na yandi (Nk 71:5; w99-LI 1/9 18 ¶17)

Davidi monaka ti Yehova vuandaka sadisa yandi ntangu yandi pusanaka na bamvula (Nk 71:9; g04-F 8/10 23 ¶3)

Davidi vuandaka kindisa bantuenia na kutubilaka bau masolo na yandi (Nk 71:17, 18; w14-LI 15/1 23 ¶4-5)

KUKIYUVUSA: ‘Yinki mpangi yina mesala bamvula mingi na kimvuka mukesepela kuyuvusa biuvu na nsambudulu na beto ya dibuta?’

2. Bima ya ntalu ya kimpeve

(Min. 10)

Nk 72:8—Yinki mutindu nsilulu yina Yehova pesaka na Abrahami na Kuyantika 15:18 kokisamaka na luyalu ya Ntinu Salomo? (it-1-F 825)

Mvutu na nge
Yinki bima ya ntalu ya kimpeve nge bakaka na ntangulu ya Biblia ya sabala yayi, yina nge kesepela kutubila?

Mvutu na nge

3. Ntangulu ya Biblia

(Min. 4) Nk 71:1-24 (th dilongi 5)

KUKIPESA NA KISALU YA KUSAMUNA

4. Kubanda disolo

(Min. 3) YINZO NA YINZO. Sukisa disolo na mutindu mosi ya mbote kana muntu mebanda kubimisa bantembe. (lmd dilongi 4 poin 5)

5. Kulandela muntu

(Min. 4) KUPESA KIMBANGI NA DILUAKU YA MBOTE. Tatamana disolo yina nge bandaka mbala lutaka na mpangi mosi ya dibuta yina kena kukakatana kulonguka Biblia. (lmd dilongi 8 poin 4)

6. Sasila bindimeli na nge

(Min. 5) Diskur. Ijwfq 49—Yintu ya diambu: Mpo na nini Batatoli ya Yehova basembolaka mateya na bango mosusu? (th dilongi 17)

KUKIPESA NA KISALU YA KUSAMUNA

7. Makanisi ya kusadila samu na nsambudulu ya dibuta

(Min. 15) Disolo na kimvuka.

Nsambudulu ya nkokila ya dibuta kele ntangu mosi ya mfunu samu bana longuka ‘disiplini mpe banduengoso ya Yehova.’ (Efe 6:4) Kulonguka kelombaka kusala bangolo, kasi yalenda vuanda ntangu mosi ya kitoko, mingimingi kana bana kena kukudisa nsatu ya kuzaba bakedika ya Biblia. (Yoa 6:27; 1Pi 2:2) Tanga diaka ankadre “ Makanisi samu na nsambudulu ya dibuta” yina lenda sadisa bibuti bakumisa nsambudulu ya dibuta ntangu mosi ya malongi mpe ya kiese, mpe na manima beno tubila biuvu yayi:

Na kati ya makanisi yina kele awa, wapi yina nge kesepela kusadila?

Mvutu na nge
Nge memona diambu yankaka yina lenda nata mambote?

Mvutu na nge

MAKANISI SAMU NA NSAMBUDULU YA DIBUTA

BIBLIA:

Beno kuwa anrejistrema ya audio ya ntangulu ya Biblia ya sabala, to mosimosi kati na beno tanga yau na ndinga ya ngolo. Konso muntu na dibuta lenda tanga bampova ya muntu mosimosi yina kena kutuba na kikapu yango
Bongisa biuvu yina mesimbama na ntangulu ya Biblia ya sabala. Konso muntu ya dibuta lenda pona kiuvu mosi mpe yandi lenda sosasosa samu na kiuvu yango. Na manima balenda tubila mambu yina bamelonguka
Yuvusa kiuvu to tubila diambu mosi, mpe na manima sosa bansikudukusu ya Biblia yina nge lenda sadila na mukanda Masonukua samu na luzingu ya Baklisto (Na Lingala)
Beno sala mbonosono ya disolo mosi ya Biblia
Beno bongisa papie mosi ya fioti yina kevuanda na verse ya Biblia ya kusuasana samu na konso sabala, lokola yina kele na apandisi A ya mua mukanda Nzola kesadisa nge kumisa bantu banlonguki, mpe na manima beno meka kukanga verse yango na yintu. Beno vutukila bapapie ya basabala meluta
Beno longuka kitini mosi ya mukanda Zinga mvula na mvula na kiese!
Beno lomba na konso muntu ya dibuta na kutubila mosi ya mambu yina kele na bitini ya masolo “Bamvutu na biuvu ya Biblia” to “Mutindu bamesasila baverse ya Biblia,” yina kele na MALONGI YA BIBLIA na jw.org

BALUKUTAKANU:

Beno bongisa kitini mosi ya lukutakanu ya kimvuka
Beno bongisa mpe beno vutukila bakomantere. Beno talaka ntangu yina konso komantere kesala
Beno yimbila miyimbu ya Kimfumu
Beno tubila mpe beno sala mbonosono ya mambu yina beno lenda tuba samu na kukindisa muntu na ntuala to na manima ya lukutakanu mosi yina kelanda
Beno vutukila disolo ya muana kalasi yina muntu mosi ya dibuta na beno kesala ntama mingi ve na lukutakanu ya katikati ya sabala

NA KISALU YA KUSAMUNA:

Beno kukibongisa samu na kisalu ya kusamuna yinzo na yinzo
Beno kukibongisa samu na kuvutukila bantu
Beno kanisa na mutindu mosi ya kupesa kimbangi na diluaku ya mbote, mpe na manima beno sala mbonosono ya mutindu ya kubanda disolo na kimpombo
Beno tubila yinki beno lenda sala samu na kusala diaka mingi na kisalu ya kusamuna na ngonda ya Mbambukulu to na ntangu ya konje ya kisalu to ya kalasi

BANSATU YA DIBUTA:

Beno sala mbonosono samu na kumonisa mutindu ya kununga diambu mosi yina bimaka to yina lenda bima, na mambu lokola kumanga kukota na mambu ya yinza, misokosi, kuzolana kati na nketo mpe bakala to bankinzi ya yinza
Beno sala mbonosono yina bibuti mebaka kisika ya bana mpe bana mebaka kisika ya bibuti. Bana lenda pona masolo mpe na manima balenda kanisa na zulu na yau kintuadi na bibuti

MAKANISI YANKAKA:

Beno tala mpe beno tubila programe mosi ya TV JW
Beno tanga disolo mosi to beno tala video mosi yina kele na jw.org, mpe na manima beno tubila yau
Beno tadila diambu mosi yina kele na kitini “Bilenge” to “Bana” yina kele na MATEYA YA BIBLIA na jw.org
Beno vutukila banoti yina beno bakaka na lukutakanu mosi ya nene
Beno tala to beno sosa kima mosi ya nsemono, mpe na manima beno tubila mambu yina yakena kulonga beto samu na Yehova
Na maluaku yankaka beno bokidisa mpangi mosi na nsambudulu ya dibuta na beno, mpe beno yuvusa yandi biuvu
Beno kukitudila balukanu ya kimpeve, mpe beno tubila mutindu ya kukokisa yau
Beno sala karte to desen mosi kintuadi

Tula VIDEO Beno tatamana kukumisa nsambudulu na beno ya dibuta kitoko. Na manima yuvusa kimvuka:

Yinki mutindu bakala lenda sala ti nsambudulu ya dibuta sepedisa nketo na yandi kana bakele na bana ve na yinzo?

Mvutu na nge

8. Ndongokolo ya Biblia na kimvuka

(Min. 30) bt-LI kikapu 13 ¶17-24

Bampova ya nsuka (Min. 3) | Muyimbu 123 mpe kisambu

MUKANDA YA LUKUTAKANU LUZINGU MPE KISALU YA BAKLISTO

Programe ya lukutakanu Luzingu mpe kisalu ya Baklisto samu na 5-11 août 2024

Kikongo ya leta

Programe ya lukutakanu Luzingu mpe kisalu ya Baklisto samu na 5-11 août 2024

https://cms-imgp.jw-cdn.org/img/p/202024246/univ/art/202024246_univ_sqr_xl.jpg

mwb24 Juillet pp. 10-16

Bambangi ya Yehova

5-11 Août

NKUNGA 70-72

Muyimbu 59 mpe kisambu | Bampova ya ebandeli (Min. 1)

BIMA YA NTALU NA MPOVA YA NZAMBI