27 Mai–2 Juin
NKUNGA 42-44
Muyimbu 86 mpe kisambu | Bampova ya ebandeli (Min. 1)
1. Baka mpenza mambote na malongi yina kekatukaka na Nzambi
(Min. 10)
Baka mambote na maluaku ya kusambila Yehova kintuadi na bantu yankaka, sala yau mbunzu na mbunzu kana dikoki kele (Nk 42:4, 5; w06-LI 1/6 9 ¶4)
Sambila tekila nge longuka Mpova ya Nzambi (Nk 42:8; w12-LI 15/1 15 ¶2)
Bika kedika ya Biblia tuadisa mambu nionso ya luzingu na nge (Nk 43:3)
Malongi ya Biblia kepesaka beto ngolo samu na kukangila bampasi ntima mpe beto tatamana kukokisa nsilulu yina beto salaka ya kusadila Yehova.—1Pi 5:10; w16.09-LI 6 ¶11-12.
2. Bima ya ntalu ya kimpeve
(Min. 10)
-
Nk 44:19—Bampova ‘kisika bayimbua ya mfinda kezingaka’ lenda monisa yinki? (it-1-F 417)
-
Yinki bima ya ntalu ya kimpeve nge bakaka na ntangulu ya Biblia ya sabala yayi, yina nge kesepela kutubila?
3. Ntangulu ya Biblia
(Min. 4) Nk 44:1-26 (th-LI dilongi 11)
4. Kubanda disolo
(Min. 4) YINZO NA YINZO. Tuadisa ndongokolo ya Biblia. (lmd dilongi 5 poin 5)
5. Kulandela muntu
(Min. 5) YINZO NA YINZO. Bokidisa muntu na diskur ya bantu nionso yina kesalama mbala kekuiza. Tula video Yinki mambu kesalamaka na Yinzo ya Kimfumu? (lmd dilongi 7 poin 5)
6. Diskur
(Min. 3) lmd apandisi A poin 4—Yintu ya diambu: Muntu nionso kevuanda na mavimpi ya kukoka. (th-LI dilongi 2)
Muyimbu 21
7. Baka banzengolo ya nduenga na diambu metadila kisalu mpe kalasi
(Min. 15) Disolo na kimvuka.
Ntuenia, nge kena kukibongisa samu na yina nge kesala na manima ya kumanisa ekole sekondere? Mbala yankaka nge kele deja na kisalu mosi yina nge kena kukanisa yina kepesa nge nzila ya kukuma mpasudi nzila. To mbala yankaka nge kena kukanisa na kisika mosi yina nge lenda sadila formasion yina kesadisa nge nge buela diaka makoki na nge, yina kepesa nge mukanda, to diplome yina kesadisa nge nge baka kisalu ya mutindu yina. Yayi kele ntangu mosi ya mbote na luzingu na nge! Kasi, nge lenda kuma na mukakatano ya kuzaba diambu yina nge kesala samu mambu ya kupona kusala kele mingi to nge lenda mona ti bakena kutula nge mbamba ya kubaka nzengolo yina kesepedisa bantu yankaka. Yinki lenda sadisa nge samu na kubaka banzengolo ya nduenga?
Tanga Matayo 6:32, 33. Na manima yuvusa kimvuka:
-
Samu na yinki yakele mbote kuvuanda na balukanu ya kimpeve puelele na makanisi tekila kubaka banzengolo ya mfunu na diambu metadila kisalu mpe kalasi?
-
Yinki mutindu bibuti lenda sadisa bana na bau samu basadila Matayo 6:32, 33?—Nk 78:4-7
Kubika ve ti nsatu ya kusosa mbongo mingi samu yatanina nge to nsatu ya kuzabana vuanda na bupusi na zulu ya banzengolo na nge. (1Yn 2:15, 17) Kuzimbakana ve ti, kuvuanda na bima mingi ya kinsuni lenda sala ti yavuanda mpasi samu na muntu na kundima nsangu ya Kimfumu. (Luka 18:24-27) Kana muntu kena kusala ngolo samu na kukuma mvuama, yakevuanda mpasi samu na yandi na kukuma na kiminu ya ngolo mpe na kutula makanisi na yandi na kusepedisa Yehova.—Mat 6:24; Mar 8:36.
Tula VIDEO Kutula ntima ve na bima yina kemanisaka!—Kimvuama. Na manima yuvusa kimvuka:
-
Yinki mutindu Bingana 23:4, 5 lenda sadisa nge samu nge baka banzengolo ya nduenga?
8. Ndongokolo ya Biblia na kimvuka
(Min. 30) bt-LI kikapu 10 ¶5-12
