29 Avril–5 Mai
NKUNGA 34-35
Muyimbu 10 mpe kisambu | Bampova ya ebandeli (Min. 1)
1. ‘Kumisa Yehova ntangu nionso’
(Min. 10)
Davidi vuandaka kumisa Yehova ata ntangu yandi vuandaka kutana na banzomono (Nk 34:1; w07-LI 1/3 22 ¶11)
Davidi vuandaka kukikumisa na Yehova, kasi na yandi mosi ve (Nk 34:2-4; w07-LI 1/3 22 ¶13)
Bampova ya kukumisa yina Davidi vuandaka bimisa vuandaka pesa bankundi na yandi ngolo (Nk 34:5; w07-LI 1/3 23 ¶15)
Ntangu Davidi vukaka na maboko ya Abimeleki, babakala 400 yina vuandaka ve na kiese na yinsi ya luyalu ya Ntinu Saulo kuendaka sangana na Davidi na dezere. (1Sa 22:1, 2) Yalenda vuanda Davidi vuandaka kanisa bantu yango ntangu yandi vuandaka sonika nkunga yayi.—Nk 34, bampova ya zulu ya verse.
KUKIYUVUSA: ‘Yinki mutindu munu lenda kumisa Yehova ntangu munu kesolola na muntu mosi na lukutakanu ya kimvuka yina kelanda?’
2. Bima ya ntalu ya kimpeve
(Min. 10)
-
Nk 35:19—Yinki Davidi zolaka tuba ntangu yandi lombaka Yehova yandi bika ve ti bantu yina kena kuyina yandi ‘babueta meso’? (w06-LI 15/5 20 ¶2)
-
Yinki bima ya ntalu ya kimpeve nge bakaka na ntangulu ya Biblia ya sabala yayi, yina nge kesepela kutubila?
3. Ntangulu ya Biblia
(Min. 4) Nk 34:1-22 (th-LI dilongi 5)
4. Kubanda disolo
(Min. 2) KUPESA KIMBANGI NA DILUAKU YA MBOTE. Disolo mezengana tekila nge pesa kimbangi. (lmd dilongi 1 poin 4)
5. Kulandela muntu
(Min. 4) KUPESA KIMBANGI NA DILUAKU YA MBOTE. (lmd dilongi 2 poin 4)
6. Sasila bindimeli na nge
(Min. 5) Mbonosono. ijwfq 59—Yintu ya diambu: Yinki mutindu Bambangi ya Yehova kezabaka kana feti playi to playi kele yimbi to ve? (th-LI dilongi 17)
Muyimbu 59
7. Mitindu tatu ya kukumisa Yehova na balukutakanu
(Min. 15) Disolo na kimvuka.
Balukutakanu ya kimvuka kevuandaka diluaku mosi ya mbote samu na kukumisa Yehova. Tala mitindu tatu ya kusala yau.
Masolo: Tubilaka mambote ya Yehova ntangu nge kena kusolola na bantu yankaka. (Nk 145:1, 7) Nge kuwaka to nge tangaka diambu mosi yina natinaka nge mambote? Nge kutanaka na diambu mosi ya kukindisa na kisalu ya kusamuna? Muntu mosi pesaka nge lukindusu na bampova na yandi to na diambu mosi yina yandi salaka? Nge monaka kima mosi na nsemono yina kamuisaka nge? Nionso yina kele makabu ya Yehova. (Yak 1:17) Kumaka na ntangu mosi ya mbote na Yinzo ya Kimfumu tekila lukutakanu banda, samu nge baka ntangu ya kusolola na bantu yankaka.
Bakomantere: Salaka nionso samu na kupesa ata komantere mosi na konso lukutakanu. (Nk 26:12) Nge lenda pesa mbala mosi mvutu na kiuvu to komantere na diambu mosi, na verse mosi, na foto mosi, to na mutindu ya kusadila dilongi mosi. Lokola bantu yankaka diaka lendaka monisa maboko nzila mosi na nge, bongisa bakomantere mingi. Beto kevuanda na dikoki ya ‘kupesa . . . Nzambi nkayilu ya lokumu’ kana bakomantere na beto kena kuluta ve basegonde 30.—Ebr 13:15.
Miyimbu: Yimbilaka miyimbu ya Kimfumu na kiese. (Nk 147:1) Mbala yankaka nge kevuanda ve na dikoki ya kupesa bakomantere na konso lukutakanu, mingimingi kana kimvuka na beno kele ya nene, kasi nge lenda sanganaka ntangu nionso na bantu yankaka na kuyimbilaka miyimbu. Ata kana nge kemonaka ti nge keyimbilaka mbote ve, kana nge kena kusala yina nge lenda, yakesepedisa Yehova! (2Bk 8:12) Nge lenda kukibongisa na kusalaka bangalasisi ya kuyimbila na yinzo.
Tula VIDEO Istuare na beto kena kukuenda na ntuala—Dikabu ya muyimbu, Kitini 1. Na manima yuvusa kimvuka:
Na ebandeli ya istuare ya nkubukulu ya Yehova na bilumbu na beto, yinki mutindu beto monisaka ti kukumisa Yehova na nzila ya miyimbu kele na mfunu?
8. Ndongokolo ya Biblia na kimvuka
(Min. 30) bt-LI kikapu 9 ¶1-7, bampova ya ebandeli ya kitini 3, mpe ankadre na p. 70
