LUZINGU YA BAKLISTO
Bibuti—Beno sadisa bana na beno samu bakuma na nduenga ya Nzambi
Mosi ya mitindu yina meluta mbote bibuti lenda sadisila bana na bau samu bakuma na nduenga ya Nzambi kele na kusadisaka bau babakila balukutakanu ya Buklisto mambote. Mambu yina bantuenia kemonaka, kekuwaka, mpe yina bakebimisaka na bakomantere na bau na balukutakanu lenda sadisa bau balonguka mambu metadila Yehova mpe bakuma bankundi na yandi ya penepene. (Kul 31:12, 13) Kana nge kele kibuti, yinki mutindu nge lenda sadisa muana na nge samu yandi longuka mambu mingi na balukutakanu?
-
Salaka nionso yina nge lenda samu nge konduaka ve na balukutakanu.—Nk 22:22
-
Salaka ti nge lutisaka ntangu kintuadi na bampangi na Yinzo ya Kimfumu tekila lukutakanu banda mpe na manima na yau.—Ebr 10:25
-
Sala ti konso muntu ya dibuta vuanda na mikanda yina bakelonguka na lukutakanu, yavuanda na telefone to ya papie
-
Sadisa muana na nge samu yandi bongisa komantere na bampova na yandi mosi.—Mat 21:15, 16
-
Tubaka mambu ya mbote samu na balukutakanu mpe malongi yina nge kebakaka kuna
-
Sadisa bana na nge bapesa maboko na mambu lokola kubongisa Yinzo ya Kimfumu mpe kusolola na bampangi ya kimvuka yina mepusana na bamvula na kimvuka
Kusadisa bana na nge bapusana penepene ya Yehova kelombaka mambu mingi, mpe yalenda monana lokola diambu mosi ya mpasi. Kasi, nge lenda tula ntima na lusadusu ya Yehova.—Yez 40:29.
TALA VIDEO BIBUTI, BENO TUDILA YEHOVA MPE NGOLO NA YANDI NTIMA, MPE NA MANIMA PESA BAMVUTU NA BIUVU YAYI MELANDA:
-
Yinki bupusi kulemba nzutu vuandaka na yau na zulu ya Zack mpe Leah?
-
Samu na yinki bibuti fueti sambila Yehova samu na kulomba ngolo?
-
Na yinki mitindu Zack mpe Leah tudilaka Yehova ntima samu yandi sadisa bau?
